Ўзбекистон Республикаси Президентининг 2017 йил 12 январьдаги “Китоб маҳсулотларини чоп этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғибот қилиш буйича комиссия тўзиш тӯғрисида” Ф-4789 сон фармойиши  ахборот-кутубхона муассасалари  фаолиятида амалга оширилаётган ривожланиш ва ўзгаришларга асос бўлмоқда.

        Юртбошимизнинг 2017 йил 13 сентябрдаги «Китоб маҳсулотларини  нашр этиш ва тарқатиш тизимини ривожлантириш, китоб мутолааси ва китобхонлик маданиятини ошириш ҳамда тарғиб қилиш бўйича комплекс чора-тадбирлар дастури тўғрисида»ги ПҚ-3271-сон қарорининг эълон қилиниши маънавий-маърифий ҳаётимизда яна бир муҳим воқеа бўлди. Бу қабул қилинган ҳуқуқий ҳужжатларда халқимиз, аввало, ёшларнинг маънавий-маърифий, бадиий-эстетик талабларига жавоб берадиган китобларни юксак сифат билан чоп этиш,  миллий ва жаҳон адабиётининг энг сара намуналарини таржима қилиш, фарзандларимизда болаликдан бошлаб китоб, жумладан, электрон китоб ўқиш кўникмасини шакллантириш, жамиятимизда мутолаа маданиятини юксалтириш билан боғлиқ муҳим масалаларни ҳал этиш, ахборот-кутубхона фаолиятини кучайтириш, фондларни услубий, техник адабиётлар, адабий-бадиий, маърифий ва илмий-оммабоп китоблар билан бойитиш, ахборот-кутубхона ходимларини тайёрлаш, малакасини ошириш  вазифа этиб белгиланди.