Қарақалпақстан Республикасы Мәлимлеме-китапхана орайы
«Ǵárezsizlik –jaslar, imkaniyat hám jarqın keleshek» atamasında ushırasıw keshesi bolıp ótti
Tuesday, 14 Sep 2021 18:00 pm
Қарақалпақстан Республикасы Мәлимлеме-китапхана орайы

Қарақалпақстан Республикасы Мәлимлеме-китапхана орайы

«Jańa Ózbekstanda erkin hám abadan jasayıq!» degen tereń mazmun hám ideyanı ózinde jámlegen Ózbekstan Respublikası Ǵárezsizliginiń 30 jıllıǵı bayramı xalqımızdıń júreginde sheksiz maqtanısh sezimlerin oyatpaqta. Sol qatarı Qaraqalpaqstan Respublikası Málimleme kitapxana orayı jámáátide bayram múnásibeti menen Ájiniyaz atındaǵı Nókis mámleketlik pedagogikalıq institutı fizika- matematika, súwretlew óneri hám texnologiyalıq tálim fakulteti jasları menen birgelikte «Ǵárezsizlik –jaslar, imkaniyat hám jarqın keleshek» atamasında ushırasıw keshesin ótkerdi.

Keshege Ózbekstan jazıwshılar awqamı aǵzası Qaraqalpaqstan Respublikasına miyneti sińgen mádeniyat xızmetkeri, shayır Abılqasım Ótepbergenov, Ájiniyaz atındaǵı Nókis mámleketlik pedagogikalıq institutı fizika-matematika fakulteti jaslar menen islesiw boyınsha dekan orınbasarı Xalmurat Esemuratov, Súwretlew óneri hám texnologiyalıq fakulteti jaslar menen islesiw boyınsha dekan orınbasarı Aybek Bazarbaev, Qaraqalpaqstan Respublikası málimleme kitapxana orayı elektron resurslardan paydalanıw hám oqıw zalları xızmeti baslıǵı Jibek Tleubaeva, Ulıwma oqıw zalı sektorı baslıǵı Bolganay Uteniyazova  hám de institut jetekshi jasları qatnastı.

Kesheni A.Bazarbaev ashtı hám alıp bardı. A.Ótepbergenov student jaslarımızdı jańa oqıw jılınıń baslanıwı hám de bayram menen qutlıqladı. Elimizde túpkilikli ózgerisler júz berip, barlıq tarawlarda jetiskenliklerge erisildi. Keleshegimiz iyeleri bolǵan jaslarımız hár tárepleme qollap-quwatlanıp, olardıń tıyanaqlı bilim alıp, óner úyreniwi ushın keń imkániyatlar jaratılıp berilip atırǵanlıǵı haqqında aytıp berdi hámde óz qáleminen dóretilgen qosıq qatarları menen sózin juwmaqladı.

J.Tleubaeva jaslarımızǵa málimleme kitapxana orayı jumısları, ol jerde jaratılǵan imkániyatlar haqqında aytıp berdi. Elimizde ámelge asırılǵan unamlı jumıslar nátiyjesinde jaslarımızdıń bilim dárejesi, olardıń fizikalıq jaǵdayı, kitapqa bolǵan qızıǵıwshılıǵı artıp, olardıń jáhán maydanlarındaǵı túrli tarawlarda erisip atırǵan tabısları sebepli mámleketimiz bayraǵı kóklerge kóterilip, abıroyı artıp baratırǵanlıǵın aytıp ótti. 

B.Uteniyazova óz sózinde hár bir jas áwladtı mámleketimizde jaratılıp atırǵan imkaniyatlardan paydalanıp, miynet etip óz ústinde islep, izlenip, oqıtıwshılarınan kerekli maǵlıwmatlardı sorap, kóbirek kitap penen dos bolıp, Ana Watanǵa sadıq, hadal xızmet etetuǵın kámil insan bolıwǵa shaqırıp qaldı.

X.Esemuratov jaslarımızdı elimizdiń gúllep jasnawına úlken úles qosatuǵın, ata-anasınıń, ustazlarınıń úmitin aqlaytınday jaqsı insanlar bolıp, tilge tiyek eterlik úlken tabıslardı qolǵa kirgizedi degen isenim menen kesheni juwmaqladı.

Keshe sońında jaslarımız ózlerin qızıqtırǵan sorawlarına juwaplar aldı.