14 - yanvar "Watan qorǵawshılar kúni"

2023 jıl 13-yanvar kúni  Qaraqalpaqstan Respublikası Málimleme-kitapxana orayında 14 yanvar Watan qorǵawshılar kúni bayramı múnásibeti menen stol tennisi hám shashka oyınları boyınsha er adamlar arasında sport jarısı shólkemlestirildi.  Sport jarısında jyuri aǵzaları sport qatnasıwshıların bahalap bardı.

Stol tennisi menen shashka oyınında óz ara bellesken qatnasıwshılar shaqqanlıǵın hám ziyrekligin kórsetti. Jarıs barısında 1- orındı Niyetbay Artıkov, 2- orındı Qallibek Tleubergenov, 3- orındı Aziz Bekmuratovlar, qalǵan 4-5-6- orınlardı Berik Qaniev, Arman Raev, Tursınbay Aytmuratovlar iyeledi.

Jarıs qatnasıwshıların Qaraqalpaqstan Respublikası Málimleme-kitapxana orayı direktorınıń orınbasarı Zibagul Saparova hám de kásiplik awqam komitetiniń baslıǵı Marina Uteniyazova bayram menen qutlıqladı. Juwmaǵında Kásiplik awqamı komiteti tárepinen tayarlanǵan sawǵalar jarıs jeńimpazlarına tapsırıldı.