Qaraqalpaqstan Respublikası Málimleme - kitapxana orayında «Ruwxıylıqǵa hám keleshekke jol kórsetiwshi bul - kitapxana» atamasında ótkerilgen onlayn seminar

2023-jıl       26- yanvar kúni Qaraqalpaqstan Respublikası Málimleme - kitapxana orayı qánigeleri tárepinen Rayonlıq málimleme-kitapxana orayları qánigeleri ushın «Ruwxıylıqǵa hám keleshekke jol kórsetiwshi bul - kitapxana»    atamasında     onlayn seminar bolıp ótti.

Seminarǵa Qaraqalpaqstan Respublikası Málimleme-kitapxana orayı direktor orınbasarı, xızmet hảm sektor baslıqları, rayonlıq málimleme-kitapxana orayları direktorları menen juwapker qánigeleri qatnastı.

Seminardı Qaraqalpaqstan Respublikası Málimleme-kitapxana orayı direktor orınbasarı Zibagul Saparova ashtı hám alıp bardı. Óz sózinde seminardıń áhmiyeti, maqseti, Málimleme-kitapxana orayınıń búgingi kúndegi jumısları, sońǵı jańalıqları hámde Málimleme-kitapxana mákemeleri menen birgelikte alıp barılıp atırǵan jumıslardıń nátiyjesi haqqında aytıp ótti. Sonday-aq seminar dawamında Elektron resurslardan paydalanıw hám oqıw zalları xızmeti baslıǵı Jibek Tleubaeva “Kitapxanada jaslar ruwxıylıǵın asırıw, olardıń arasında kitapqumarlıqtı keńnen úgit-násiyatlaw”, Ulıwma oqıw zalı sektorı baslıǵı Bolǵanay Uteniyazova “Jaslar arasında kitapqumarlıqtı rawajlandırıwdıń áhmiyeti”, Taxiatash rayonı Málimleme-kitapxana orayı, kitap oqıwshılarǵa xızmet kórsetiw xızmeti qánigesi  Dilfuza Xalbaeva "Kitap insanniń kewil gáwhari",  Úlketanıw maǵlıwmatlar sektorı baslıġı Gulmira Ablakimova  «Kitapxana-milliy ruwxıylıǵımızdıń tiykarı» atamalarında bayanatları menen qatnasıp,  seminar juwmaǵında qánigeler tárepinen berilgen sorawlarǵa juwaplar berildi hám de  óz- ara pikirler almastı.