No icon

Қарақалпақстан Республикасы Мәлимлеме-китапхана орайы –Абитуриентлерге!

Президентимиз жаслар мәнаўиятын жеделлестириў, олардың бос ўақтын мазмунлы шөлкемлестириў бойынша әҳмийетли ўазыйпаларды белгилеп берди.

Мәмлекетимиз халқының 30 пайызы 14 жастан  30 жасқа шекем болған жигит-қызлардан ибарат. Олардың билим алыўлары ушын Кәсип-өнер ийелеўи ушын кең шараятлар жаратылған. 

Жаз мәўсиминиң келиўи көпшиликке өзгеше қуўанышлар алып келеди. Көпшилик жаслар жоқары оқыў орынларына ҳүжжет тапсырып, олардың жуўмағын күтеди. Жоқары оқыў орынларына ҳүжжетлер қабыл етиў барысы қызғын болғанда, Қарақалпақстан Республикасы мәлимлеме-китапхана орайы оқыў залларында абитуриентлер кириў имтиханларына таярлықлар көрмекте.

Кәсип таңлаў ең әҳмийетли мақсетлерден  бири есапланады.  Жоқары оқыў орнын таңлап болғаннан соң, оған пухта таярлықлар көрип барады. Бул ўақытта  оқыў залында кириў имтиханларына абитуриентлерге жәрдем беретуғын китаплар, сабақлықлар, тест топламларынан ибарат «Абитуриентлерге жәрдем!» атамасында китап көргизбеси шөлкемлестирилди.

Сизлерге кириў имтиханларын тапсырып, студент болыўға, Мәлимлеме-китапхана орайының көргизбеге қойылған китаплардан кең пайдаланып, студент сыпатында орын ийелеўиңизге, келешекте өз кәсибиниң маманы болыўға тилеклес болып қаламыз.

 

 

Комментарий жазыўшы:

Комментарий (0)