No icon

Қарақалпақстан Республикасы Мәлимлеме-китапхана орайында Күнхожа Ибрайым улының туӯылғанына 220 жыл толыӯ мүнәсибети менен “Халқын жырлаған шайыр” атамасында әдебий кеше шөлкемлестирилди.

      2019-жыл 13-сентябрь күни Қарақалпақстан Республикасы Мәлимлеме-китапхана орайында Күнхожа Ибрайым улының туӯылғанына 220 жыл толыӯ мүнәсибети менен “Халкын жырлаған шайыр” атамасында әдебий кеше болып өтти. Кешеге Өзбекстан Мәмлекетлик көркем өнер ҳәм мәденият институты Нөкис филиалы Руӯхыйлық ҳәм ағартыӯшылық, жаслар менен ислесиӯ бөлими методисти О.Қдырныязова, “Техноген көркем-өнери: кино,телевидение ҳәм радио сес режиссёрлығы” факултети студент жаслары ҳәм Мәлимлеме-китапхана орайы қәнигелери қатнасты. 

                  Кешеде Руӯхыйлық ҳәм ағартыӯшылық, жаслар менен ислесиӯ бөлими методисти О.Қдырныязова Күнхожа Ибрайым улы реалист шайыр сыпатында да өзине заманлас ҳәм өзинен соңғы халықлық, демократиялық бағдардағы қарақалпақ шайырларының устазы сыпатында да оның қарақалпақ әдебияты тарийхындағы хызмети ҳәм тутатуғын орны айрықша екенлиги ҳәм Күнхожа шығармалары бүгинги күнде де, келешекте де өзиниң баҳалы қунын жойытпайтуғынлығы ҳаққында айтып өтти.

        Сондай-ақ кеше қатнасыӯшылары Мәлимлеме-китапхана орайының оқыӯ залында шөлкемлестирилген «Тилинде халық сөзи сайраған шайыр» атамасындағы китап көргизбеси менен танысты. Көргизбеде Күнхожа Ибрайым улының қәлемине тийисли болған китаплар орын алған.


Комментарий жазыўшы:

Комментарий (0)