No icon

«Тарийхы бай, бүгини гөззал, келешеги уллы» атамасында сәўбетлесиў кешеси

  2019 жыл 26-сентябрь күни Қарақалпақстан Республикасы Мәлимлеме-китапхана орайында «Тарийхы бай, бүгини гөззал, келешеги уллы»  атамасында сәўбетлесиў кешеси болып өтти.

    Кешеге Әжинияз атындағы  Нөкис мәмлекетлик педагогикалық  институты жанындағы халық билимлендириў хызметкерлерин қайта таярлаў ҳәм олардың қәнигелигин арттырыў аймақлық орайының оқытыўшылары Бахыт Примбетов, Орынбасар Сапаров, үлкетаныў секторы баслығы Амангул Халмуратова, Әжинияз атындағы Нөкис мәмлекетлик педагогика институты студентлери ҳәм мәлимлеме-китапхана орайы хызметкерлери қатнасты.

    Кешени үлкетаныў секторы баслығы А. Халмуратова  ашты ҳәм алып барды.

   Кешеде Әжинияз атындағы  Нөкис мәмлекетлик педагогикалық  институты жанындағы халық билимлендириў хызметкерлерин қайта таярлаў ҳәм олардың қәнигелигин арттырыў аймақлық орайының педагогика, психология ҳәм тәлим технологиялары кафедрасы аға оқытыўшысы  Б. Пиримбетов Ўатанымыздың бай тарийхы, халқымыздың дәстүрлери, үрп-әдетлери, ата-бабаларымыз мийрасы ҳаққында ҳәм мәмлекетимизде ири қурылыс ислери әмелге асырылып, қалалар ҳәм аўыллар келбети пүткил өзгерип, жасарып атырғанлығы;   анық ҳәм тәбиий пәнлер методикасы кафедрасы аға оқытыўшысы О. Сапаров  Қарақалпақстанның бүгинги күндеги раўажланыўы ҳаққында кең түрде айтып өтти. Кеше соңында студентлер өзлериниң қызықтырған сораўларын берип,  жуўаплар алды.

     Кешеге арнап улыўма оқыўшылар залында шөлкемлестирилген китап көргизбеси менен  үлкетаныў секторы баслығы А. Халмуратова таныстырды. Қатнасыўшылар көргизбеге қойылған китаплар, газета-журналлар мақалаларынан қызығыўшылық пенен пайдаланды.

Комментарий жазыўшы:

Комментарий (0)