No icon

Қарақалпақстан Республикасы Мәлимлеме китапхана орайында «Ана тили – миллетимиз мақтанышы» атамасында кеше өткерилди.

2019 жыл 16 октябрь күни  Қарақалпақстан  Республикасы Мәлимлеме китапхана орайы улыўма оқыўшылар залында  «Ана тили- миллетимиз мақтанышы» атамасында әдебий кеше өткерилди.

            Кешеге Нөкис қаласы 27-санлы улыўма билим бериў мектеби оқытыўшысы Шахиста Янгибаева, Әжинияз атындағы Нөкис мәмлекетлик педагогикалық институты жанындағы халық билимлендириў хызметкерлерин қайта таярлаў ҳәм олардың қәнигелигин арттырыў аймақлық орайы китапханасы баслығы Т.Уразов, Тарийх пәни аға оқытыўшысы Б.Бекмуратов, Мағлыўмат библиография бөлими баслығы Гулзар Аббазова, мәлимлеме китапхана мәкемелери  хызметкерлери ҳәм 27 санлы мектеп оқыўшылары қатнасты. 

            Кешени  улыўма оқыўшылар залы секторы баслығы Болганай Утениязова ашты ҳәм алып барды.

            Кеше мийманлары Ш.Янгибаева «Тил- миллет көрки», Байрам Бекмуратов «Мәмлекетлик тил ҳаққында», Т.Уразов «Тилге итибар елге итибар» атамаларында баянат жасады.

            Қарақалпақстан  Республикасы Мәлимлеме китапхана орайы мағлыўмат библиография бөлими баслығы Г.Аббазова  «Мәмлекетлик тил ҳаққында»ғы Нызамның  қабыл етилгенлигине отыз жыллығын кең түрде белгилеў ҳаққындағы қарар қабыл етилгенлиги айтып өтти, кеше қатнасыўшыларын байрам менен қутлықлады.

Нөкис қалалық 27-санлы улыўма билим бериў мектеби оқыўшылары өзлериниң шөлкемлестирген сахналық көринислери менен қатнасты ҳәм қатнасыўшыларда улкен тәсир қалдырды.

            Кешеге арнап «Ана тили- миллетимиз мақтанышы» атамасында китап көргизбеси шөлкемлестирилди. Қатнасыўшылар көргизбеге қойылған китаплар, газета-журналлар мақалаларынан пайдаланды.


Комментарий жазыўшы:

Комментарий (0)