No icon

Қарақалпақстан Республикасы Жазыўшылар аўқамы ҳәм Қарақалпақстан Республикасы Мәлимлеме -китапхана орайы менен биргеликте өткерилген кеше ҳаққында

2019 жыл  20-ноябр күни  Қарақалпақстан Республикасы Мәлимлеме-  китапхана орайы оқыўшылар залында    Қарақалпақстан шайырасы, публицист Шийрин Халмуратованың туўылғанына 70 жыл толыўы мүнәсибети менен  «Поэзия маржаны» атамасында кеше болып өтти. Кешени Қарақалпақстан Республикасы Мәлимлеме – китапхана орайының оқыўшылар залы сектор баслығы  Болғанай Утениязова ашты ҳәм алып барды.

Кешеге Қарақалпақстан Жазыўшылар аўқамының баслығы, Қарақалпақстан халық жазыўшысы Кеңесбай Каримов, Өзбекстан ҳәм  Қарақалпақстан Жазыўшылар аўқамлары ағзасы, әдебий консультанты, әдебияттаныўшы Әмирлан Сейдин, Өзбекстан ҳәм Қарақалпақстан Жазыўшылар аўқамлары ағзасы, жазыўшы Бекназар Ерназаров, Бердақ атындағы Қарақалпақ мәмлекетлик университетиниң китапқумарлар клубы ағзалары, Өзбекстан  мәмлекетлик көркем өнер ҳәм мәденият институты Нөкис филиалының китапхана ҳәм хабар искерлиги факультетиниң 1 курс студентлери қатнасты.

Қарақалпақстан жазыўшылар аўқамы баслығы, Қарақалпақстан халық жазыўшысы К.  Каримов өз сөзинде шайыраның өмири ҳәм дөретиўшилиги ҳаққында, Әмирлан Сейдин- Шийрин Халмуратова Қарақалпақ халқының муҳаббатын қәлбине жайлап, қәлбинде өз халқының көринисин сәўлелендире алған ҳақыйқый дөретиўши екенлигин,  Бекназар Ерназаров шайыраның  белгили аўдармашы сыпатында өзбек ҳәм шет ел шайырларының қосықларын өз ана тилине аўдарып, өзинен жарқын естелик қалдыра алғанлығы ҳаққында кең түрде айтып берди. 

Кешеде Қарақалпақстан Республикасы Мәлимлеме-китапхана орайының Электрон ресурслардан пайдаланыў ҳәм оқыў заллары хызмети баслығы Ж. Тлеубаева - Президентимиз тәрепинен китапханашылық тараўына берилип атырған үлкен итибары, халқымыз әсиресе жасларымыз арасында китап оқыў ҳәм китапқумарлық мәдениятын асырыўда үгит-нәсиятлаў жумысларының алып барылып атырғанлығы ҳаққында айтып өтти.  Кешеге «Поэзия жулдызы» атамасында китап көргизбеси шөлкемлестирилип,  Үлкетаныў мағлыўматлар секторы баслығы  А. Халмуратова шолыў жасады. Кеше соңында кеше қатнасыўшылары өзлерин қызықтырған сораўларын берип, жуўаплар алды.

 

Комментарий жазыўшы:

Комментарий (0)