No icon

Қарақалпақстан Республикасы Мәлимлеме- китапхана орайы Мағлыўмат библиография бөлими тәрепинен «Халқымыздың уллы перзенти» атамасында Исмайыл Қурбанбаев туўылғанының 90 жыллығы мүнәсибети менен библиографиялық обзор өткерилди

2019-жыл  21-ноябрь күни Қарақалпақстан Республикасы Мәлимлеме – китапхана орайында  Қарақалпақстанға белгили жазыўшы Исмайыл Қурбанбаев туўылғанының 90 жыллығы мүнәсибети менен Мағлыўмат библиография бөлими тәрепинен «Халқымыздың уллы перзенти» атамасында библиографиялық обзор өткерилди. Обзорға Қарақалпақ мәмлекетлик университети «Қарақалпақ филология ҳәм журналистика факультети» II-басқыш,  Нөкис мәмлекетлик педагогикалық институты «Табийий пәнлер» факультетиниң I-басқыш студент жаслары қатнасты.

        Мағлыўмат библиография хызмети  бас библиографы Гулнара Тажимуратова  қатнасыўшыларға Исмайыл Қурбанбаевтың өмири ҳәм дөретиўшилик хызмети ҳаққында қысқаша мағлыўмат берип өтти. Буннан кейин дөретиўшиниң «Алтын масақ», «Исеним», «Бир жигит бар бизиң аўылда», «Мискин ўақыялары», «Тирилиў»,  «Бир аўыз сөз»,  «Келин киятыр» атамасындағы  роман, повесть, гүрриң ҳәмде  очерклери менен бирге, «Ырғалыслар» қосықлар топламы, сондай-ақ педагогикалық оқыў орынларының студентлери ушын арналған  «Қарақалпақ балалар әдебияты», «Қарақалпақ балалар әдебияты тарийхының очерки»   оқыў қолланбаларын қатнасыўшыларға таныстырып өтти.     

    Обзорда қатнасқан жасларымыз бул китаплардың қысқаша мазмуны менен танысып шықты ҳәмде  жазыўшының шығармалары, өмири,  әдебий дөретиўшилиги ҳаққында  мағлыўматларға ийе болды.

Комментарий жазыўшы:

Комментарий (0)