No icon

Қарақалпақстан Республикаси Мәлимлеме китапхана орайы тәрепинен «Китапқа меҳир қойған жаслар» атамасында өткерилген кеше ҳаққында

Жәмийетте халықтың, әсиресе, жаслардың талапшаңлығын, билимлигин ҳәм  умтылыўшылық дәрежесин өзинде сәўлелендириўши айна болған –илим ҳәм билим мәсканы бул китапханалар болып есапланады.

               Өзбекстан Республикасы Президенти Шавкат Мирзиёевтың басшылығында 19- март күни жасларға итибарды кушейтиў, жас әўладты мәденият, көркем-өнер, дене тәрбиясы ҳәм спортқа кеңнен тартыў, оларда мәлимлеме технологияларынан дурыс пайдаланыў көнликпесин қәлиплестириў, жаслар арасында китапқумарлықты үгит-нәсиятлаў, ҳаял-қызлардың бәнтлигин тәмийинлеў мәселелери бойынша 5 басламаны белгилеп берген еди. Ондағы төртинши баслама жасларды мәнаўиятын жоқарылатыў, олардың арасында китапқумарлықты кеңнен үгит нәсиятлаў бойынша системалы жумысларды шөлкемлестириўге бағдарланған жумысларды әмелге асырыў мақсетинде Қарақалпақстан Республикасы мәлимлеме китапхана орайы улыўма оқыў залы секторы тәрепинен 2019 жыл 22 ноябрь күни Әжинияз атындағы Нөкис мәмлекетлик педагогикалық институтының Баслаўыш тәлим факультети баслаўыш тәлим кафедрасы оқытыўшылары ҳәм оқыўшылары менен биргеликте “Китапқа меҳир қойған жаслар” атамасында кеше шөлкемлестирилди.

                   Кешеге Институттың педагог оқытыўшылары А.Нажимова, И.Хожаниязова, Г.Мырзабекова, С.Таженова, З.Турымбетова ҳәм I- IV басқыш студентлери қатнасты. Улыўма оқыў залы секторы баслығы Болғанай Утениязова Қарақалпақстан Республикасы Мәлимлеме китапхана орайындағы жаңа көркем әдебиятлар, педагогика, психология ҳәм басланғыш тәлимге тийисли китаплар, оқыў қолланбалар менен студентлерди таныстырып өтти. Китаплардан жаслар өзлерине керекли мағлыўматларды алды. Кеше даўамында Б.Утениязова Мәлимлеме китапхана орайында “UZNEL миллий электрон дәстур” бойынша алып барылып атырған жумыслары, китап оқыўшылар ушын жаратылған қолайлықлар ҳаққында кеңнен мағлыўмат берди. Кеше соңында қатнасыўшылар өзлериниң қызықтырған сораўларын берип, жуўаплар алды.

Комментарий жазыўшы:

Комментарий (0)