No icon

Қарақалпақстан Республикасы Мәлимлеме – китапхана орайы китапханашы қәнигелерге онлайн мәсләҳәтлер

Қарақалпақстан Республикасы Мәлимлеме – китапхана орайы карантин дәўиринде өз китап оқыўшыларының үйде қалып билим алыўы  ҳәм бос ўақытларын мазмунлы өткериўи ушын онлайн хизмет көрсетпекте. Сол қатары Мағлыўмат библиография хызмети ҳәм де Каталогластырыў ҳәм китапхана фондларын қайта ислеў хызмети менен биргеликте китапханашы қәнигелерге онлайн мәсләҳәтлер бериў мақсетинде социал тармақта «QR MKO_ ONLINE MȦSLȦXȦT» аты менен топар шөлкемлестирилди. Усы топар арқалы китапханашы қәнигелерден келген сораўларға онлайн түрде мәсләҳәтлер бериб барылмақта. Ҳәзирги күнге келип топарымызға 119 китапханашы қәнигелер ағза болды. 12 – май күни топар ағзалары менен биргеликте онлайн мәсләҳәт өткерилди. Олар өзлериниң карантин дәўиринде китап оқыўшыларға қалай хызмет көрсетиў кереклиги  ҳәм оларға китапхана жумыслары бойынша сораўларына мәсләҳәтлер берилди. Онлайн мәсләҳәтти Мағлыўмат библиография хызмети баслығы Г. Аббазова ҳәм де Каталогластырыў ҳәм китапхана фондларын қайта ислеў хызмети баслығы М. Утениязовалар алып барды.

Комментарий жазыўшы:

Комментарий (0)