No icon

Қарақалпақстан Республикасы Мәлимлеме-китапхана орайында Интернеттеги ZOOM платформасында онлайн семинар өткерилди

2020 жыл 27 май күни ҳәзирги  карантин шараятында Қарақалпақстан Республикасы Мәлимлеме-китапхана орайында Интернеттеги  ZOOM платформасында онлайн семинар шөлкемслетирилди. Онлайн семинарға Қарақалпақстан Республикасы районлық Мәлимлеме-китапхана орайларының басшылары менен қәнигелери қатнасты. Семинардың мақсети районлық Мәлимлеме-китапхана орайлары қәнийгелериниң ис тәжирийбесин ҳәм билимин жетилистириў, сондай-ақ қәнигелерге норматив-хуқықый базасының әҳмийети, UzNEL миллий электрон каталогы, китап оқыўшыларға аралықтан хызмет көрсетиў, каталогластырыў усыллары менен таныстырыў болып табылады.

       Онлайн семинар даўамында Илмий-методика хызмети бас қәнигеси А. Адайбекова  Мәлимлеме-китапхана орайында методик жумыслары, норматив-ҳуқықый ҳүжжетлери, мәмлекетлик стандартлары ҳаққында, Мағлыўмат библиография хызмети баслығы Г. Аббазова «Миллий улыўма тәлим электрон китапхана» жойбарындағы UzNEL дәстүринде газета-журналлар мақалаларын киритиў тәртиби ҳаққында, Каталогластырыў ҳәм мәлимлеме-китапхана фондларын қайта ислеў хызмет баслығы М. Утениязова Қарақалпақстан Республикасы Мәлимлеме - китапхана орайында ҳүжжетлерди каталогластырыў тәртиби. Каталогластырыў тараўында қағыйдалар ҳәм стандартлар ҳаққында баянатлар жасады. Электрон ресурслардан пайдаланыў ҳәм оқыў заллары хызмет баслығы Ж. Тлеубаева «Мәнаўият дүньямыздың гилти- китап» атамасында мәмлекетимиз басшысы тәрепинен алдыға қойылған 5 әҳмийетли басламасының төртиншиси – жаслар мәнаўиятын көтериў, олар арасында китап оқыўды кеңирек нәсиятлаўға қаратылған онлайн тәриздеги илажлар, түрли викториналар ҳәм презинтациялар өткерилип атырғанлығын, китап оқыўшылар онлайн хызметлер арқалы ҳәр түрли әдебиятларға буйыртпалар берип атырғанлығын, видеороликлерди, онлайн сабақлықларды көриў имканиятларына ийе екенлигин айтып өтти. Сондай - ақ пайдаланыўшылар карантин дәўиринде аралықта турып Қарақалпақстан Республикасы Мәлимлеме - китапхана орайында шөлкемлестирилген социаллық тармақларымыз «Онлайн китапхана», «QR MKO_oqiwzal Chat», «ҚР Мәлимлеме-китапхана хуқықый мағлыўматлар секторы» канали, «Китапхана нурхана», рәсмий вебсайтларымыз: nukus.natlib.uz, nukusibc.uz, ютубта KR AKM атамаларында канлларымыз ҳәм топарларымыз арқалы китап әлемине тийисли қызықлы жаңалықлардан хабарландырылып барып атырғанлығы, усындай аралықтан турып хызмет көрсетиў өз китап оқыўшыларымызды  зериктирип алмаў ушын жақсы имканият екенлигин атап өтти.

Соның менен бирге қатнасыўшыларға Мағлыўмат библиография хызмети ҳәмде Каталогластырыў ҳәм мәлимлеме-китапхана фондларын қайта ислеў хызмети менен биргеликте  онлайн мәсләҳәтлер бериў мақсетинде социаллық тармақта «QR MKO_ ONLINE MȦSLȦXȦT» топарына да китапхана қәнигелериниң сораўларына жуўаплар берилип, оларға тәжирийбе алмасыў имканияты ашылғанын атап өтилди. Онлайн семинар даўамында районлық Мәлимлеме - китапхана орайында қәнигелери тәрепинен берилген сораўларына  жуўаплар берилди.

       Жуўмағында бәрше қатнасыўшылар Онлайн семинар шөлкемлестириўшилерге өз мийннетдаршылықларын айтып ҳәм де усындай қызықлы семинарларды даўам еттириў кереклиги ҳаққында усыныслар билдирди.

Комментарий жазыўшы:

Комментарий (0)