No icon

Қарақалпақстан Республикасы Мәлимлеме-китапхана орайында ZOOM платформасында «Методистлер мектеби», «Библиографлар мектеби» ҳәм «Каталогизаторлар мектеби» бойынша онлайн оқыў шынығыўы өткерилди

2020 жыл 28 май күни коронавирус пандемиясы дәўиринде Қарақалпақстан Республикасы Мәлимлеме-китапхана орайында ZOOM платформасында «Методистлер мектеби», «Библиографлар мектеби» ҳәм «Каталогизаторлар мектеби» онлайн оқыў шынығыўы шөлкемлестирилди. Онлайн оқыў шынығыўына Мойнақ, Қараөзек ҳәм Нөкис районлары Мәлимлеме-китапхана орайларының басшылары менен қәнигелери қатнасты. Оқыў шынығыўды өткериўдеги мақсетимиз район Мәлимлеме-китапхана орайы қәнигелериниң билимин  ҳәм олардың  ис тәжрийбесин арттырыў, сондай-ақ қәнигелерге библиография жумысын шөлкемлестириў, норматив-хуқықый базасы менен жумыс алып барыў,  каталогластырыў жумыслары менен таныстырыў.

Онлайн оқыў шынығыўды  Мағлыўмат библиография хызмети баслығы Г.Аббазова, Каталогластырыў ҳәм мәлимлеме-китапхана фондларын қайта ислеў хызмети баслығы М.Утениязова, Илимий-методикалық хызмети бас қәнигеси А.Адайбековалар алып барды.  Оқыў шынығыў  даўамында «Методистлер мектеби»ниң ўазыйпасы ҳәм мақсети ҳақкында, сондай-ақ, Мәлимлеме-китапхана орайында методикалық жумыслары, норматив-ҳуқықый ҳүжжетлери, орынланатуғын жумыслары ҳаққында, «Библиографлар мектеби»ниң ўазыйпасы, Мәлимлеме – китапхана орайларында библиография жумыс барысы қәнигелердиң мәлимлеме – китапхана ресурсларын сыпатлаў, классификациялаў тараўында ис тәжирийбесин арттырыўға, мағлыўмат библиография аппаратын шөлкемлестириў ҳәм олардан пайдаланыўға бағдарлаў, сондай - ақ библиография жумысын шөлкемлестириў, район мәлимлеме  – китапхана орайлары қәнигелерине  библиографиялық жазыўларды мәмлекетлик  стандартларға муўапық сыпатлаў бойынша ис тәжирийбесин асырыў, үлкетаныў картотекаларын дүзиў ҳәм оларды жүритиў ҳаққында, сондай-ақ, «Каталогизаторлар мектеби»ниң мақсети ҳәм әҳмийети,  мәмлекетлик стандартлар тийкарында электрон каталогты нәтийжели шөлкемлестириў, каталог түрлери ҳәм оларда жумыс алып барыў, электрон  каталогқа әдебиятлардың библиографиялық жазыўын киритип барыў, ҳүжжетлерге қайсы мәмлекетлик стандартлары тийкарында библиографик жазыў бериў кереклиги, алфавитли-системалы ҳәм алфавит-хызмет каталогы бойынша онлайн мағлыўматлар берилди.

Оқыў шынығыў даўамында қатнасыўшылар өзлериниң қызықтырған сораўларына жуўаплар алды ҳәм өз пикир усынысларын билдирди.

 

Комментарий жазыўшы:

Комментарий (0)