No icon

ГПНТБ СО РАН тәрепинен ZOOM платформасында илимий ҳәм әмелий онлайн кеше өткерилди

26-28-май күнлери даўамында Россия мәмлекетиниң ГПНТБ СО РАН тәрепинен ZOOM платформасында илимий ҳәм әмелий онлайн кеше шөлкемлестирилди. Онлайн кеше «Книжное детство: вызовы современности» темасына бағышланған. Онлайн кешеге ири мәмлекет китапханалары басшылары ҳәм қәнигелери, профессорлар,  баспахана, елшихана ҳәм басқада тийисли шөлкемлер ўәкиллери қатарында Қарақалпақстан Республикасы Мәлимлеме-китапхана орайы директоры И.Н. Шарапова  қатнасты.  

Үш күн даўамында болып өткен онлайн кешеде ири мәмлекет китапхана ўәкиллери Ирина Лизунова  (Новосибирск, Россия)  "Китаплардың балалық дүньясы: балалар китаплары баспасы өзгериў қарсаңында” темасында,  Наталья Эихвальд (Москва, Россия) "Карантиндеги “КомпасГид””, Ирина Трояк (Новосибрск, Россия)  “Сибир ҳәм узақ шығыстағы балалар ушын үлкетаныў әдебияты: баспаның тийкарғы түрлери ҳәм темалары”, Бюлент Йылмаз (Анкара, Туркия) "Мектепке шекемги жастағы балалар арасында китапқумарлықты үгит-нәсиятлаў ҳәм район китапханаларының орны", Светлана Павленко (Эдмонтон, Канада) "Kaнададағы балалар китабы: ислеп шығарыў ҳәм раўажландырыў системасы", Звайда Утешева (Уралск, Козоғистон) "Балалар арасында китапқумарлықты үгит-нәсиятлаў бойынша проектлер; китапхана тәжрийбесинен",  Ольга Вовк (Минск, Беларусия) "Қала ҳәм китаплар – балалар ҳәм жаслар өмири" фестивалы темалары шеңберинде лекциялар ҳәм презентациялар көрсетилди.

Илимий ҳәм әмелий онлайн кеше даўамында қатнасыўшылар бир-бирлери менен тәжрийбе алмасылды ҳәм өзлери қызықтырған сораўларға қәнигелер тәрепинен жуўаплар берилди.

Комментарий жазыўшы:

Комментарий (0)