No icon

ҚарақалпақстанРеспубликасыМәлимлеме-китапханаорайытәрепиненZOOMплатформасында"Саҳраәдебиятшыларыжасларнәзеринде" атлы онлайн сәӯбетлесиӯкешесиболыпөтти.

Қарақалпақстан Республикасы Мәлимлеме-китапхана орайы тәрепинен ZOOM  платформасында 2020 жыл 29 июль күниТашкент қаласындағы Әдебиятшылар аллеясындағы жерлес шайырларымыз ҳаққында жасларға үгит нәсиятлаӯ бойынша "Саҳра әдебиятшылары жаслар нәзеринде" атлы онлайн сәӯбетлесиӯ кешеси болып өтти.

Кешени улыӯма оқыӯ залы сеторы баслығы Б.Утениязова ашты ҳәм алып барды. Сәӯбетлесиӯ кешесине Қарақалпақстан жазыӯшылар аӯқамы жуӯаплы хаткери Бекназар Ерназаров қатнасты, ол өз сөзинде Әдебият пенен көркем-өнерге, мәдениятқа итибар – бул бәринен бурын, халқымызға итибар, келешегимизге итибар екенлиги ҳаққында айтты. Сонымен қатар жерлес шайырларымыз естеликлери Ташкент қаласындағы Шайырлар қыябанында орын алғанлығы бизлерди жүдә руӯхландырып, елимизде әдебиятқа, мәдениятқа деген мине усындай итибардың нәтийжесинде халқымыздың, әсиресе бүгинги жас әўладларымыздың әдебиятқа деген ықласы артып баратырғанлығы ҳаққында айтып өтти.

Кешеде Қарақалпақ мәмлекетлик университети мәлимлеме ресурс орайы бас китапханашысы, китапқумарлар клубы баслығы Раушан Калмурзаева халқымыздың руўхый дүньясын байытыўда әдебияттың, мәденияттың орны гиреўли екен, демек биз өзлериниң өлмес әжайып дөретпелери менен халқымызға танылған жазыўшы, шайырларымыздың, дөретиўши инсанлардың өмири ҳәм дөретиўшилигин өсип киятырған жас әўладларға еле де тереңирек таныстырып барыӯда китапханашылардың орны туӯралы айтып өтти.

Электрон ресурслардан пайдаланыў ҳәм оқыў заллары хызмет баслығы Жибек Тлеубаева елимизге белгили болған шайырларымыз китапларынан презентация ислеп китап оқыӯшыларына оқыӯды усыныс етти. Сондай - ақ пайдаланыўшылар ушын карантин дәўиринде аралықта турып Қарақалпақстан Республикасы Мәлимлеме - китапхана орайында шөлкемлестирилген социаллық тармақларымыз «Онлайн китапхана», «QR MKO_oqiwzal Chat», «ҚР Мәлимлеме-китапхана хуқықый мағлыўматлар секторы» канали, «Китапхана нурхана», рәсмий вебсайтларымыз: nukus.natlib.uz, nukusibc.uz, ютубта KR AKM атамаларында каналларымыз ҳәм топарларымыз арқалы китап әлемине тийисли қызықлы жаңалықлардан хабарландырылып барып атырғанлығы, усындай аралықтан турып хызмет көрсетиў өз китап оқыўшыларымызды  зериктирип алмаў ушын жақсы имканият екенлигин атап өтти.

Кеше соңында клуб ағзалары шайырларымыз қосықларынан оқыды ҳәм  өзлери қызықтырған сораўларға жуўаплар алды. 

Комментарий жазыўшы:

Комментарий (0)