No icon

Qaraqalpaqstan Respublikası Málimleme kitapxana orayında “Súyispenshiligim hám sadıqlıg‘ım sag‘an pidá gózzal Ózbekstanım” Ózbekstan Respublikası g‘árezsizliginiń 29 jıllıg‘ına bag‘ıshlanıp onlayn ádebiy keshesi haqqında

  2020 jıl  21 – avgust kúni Qaraqalpaqstan  Respublikası Málimleme kitapxana orayında  “Súyispenshiligim hám sadıqlıg‘ım sag‘an pidá gózzal Ózbekstan” atamasında Ózbekstan Respublikası g‘árezsizliginiń 29 jıllıg‘ına bag‘ıshlanıp onlayn ádebiy keshe bolıp ótti.
Keshege Qaraqalpaqstan xalıq bilimlendiriw  qánigelerin  qayta tayarlaw hám  olardıń tájiriybesin asırıw aymaqlıq orayı sociallıq-ekonomikalıq pánler metodikası kafedrası oqıtıwshısı Gulmurat Allamuratov, Ajiniyaz atındag‘ı Nókis mámleketlik pedagogikalıq institutı málimleme-resurs orayı shet el ádebiyatları menen islesiw bólimi baslıg‘ı Rita Amanbaeva, QR Málimleme-kitapxana orayınıń Elektron resurslardan paydalanıw hám oqıw zalları xızmeti baslıg‘ı Jibek Tleubaeva, Ulıwma oqıw zalı sektorı baslıg‘ı Bolg‘anay Uteniyazova, Úlketanıw mag‘lıwmatlar-sektorı baslıg‘ı Amangul Xalmuratova hám Qaraqalpaqstan Respublikası xalıq bilimlendiriw ministrligi ulıwma bilimlendiriw mektep kitapxanashıları qatnastı.    
Kesheni Bolganay Uteniyazova ashtı hám alıp bardı. Bayram menen bársheni qutlıqlap házirgi g‘árezsizlikten keyingi jetiskenliklerimiz tuwralı  aytıp ótti. Gulmurat Allamuratov  sózge shıg‘ıp  «Ilim, pán, tálim-tárbiya» atamasında bayanat jasadı. Onda búgingi kúnde joqarı bilimlendiriw tarawınıń rawajlanıwın, keleshek jaslarımızdıń hár tárepleme rawajlang‘anlıg‘ın, olardıń shet ellerge barıp ilim úyrenip kelip atırg‘anlıg‘ın, jaslardıń hár tarawda óz ústinde islep atırg‘anlıg‘ı haqqında aytıp ótti. Rita Amanbaeva «Watang‘a sadıqlıq» atamasındag‘ı bayanatında  Prezidentimiz tárepinen berilip atırg‘an imkaniyatlar, institut jaslarınıń jetiskenlikleri haqqında aytıp berdi. 
J. Tleubaeva  óz sózinde 1991 jıl 1- sentyabrde Watanımız óz g‘árezsizligin qolg‘a kiritiwi  ózgeshe bir waqıya  ekenligi, 29 jıl dawamında yerisken jetiskenliklerimiz haqqında, Gárezsizlik – xalqımız erisken   eń ullı jemis,  «Gárezsizligimiz biz ushın – ózligimizdi ańlaw, el tınıshlıg‘ı, insan mápleri, erkinligi hám párawanlıg‘ın, puqaralıq jámiyetti dúziw imkaniyatın jarattı. Xalqımızdıń pidákerlik miyneti, jaslarımızdıń g‘ayratı Ózbekstanımızdıń abırayı dúnya boylap jayılmaqta. Bir sóz benen aytqanda, g‘árezsiz abat hám párawan keleshegimizdi ózi jaratıw ushın imkaniyatlar esigin ashtı. Nelerge erisken bolsaq hámmesi g‘árezsizlik sharapatı menen ekenin ayttı.  Keshe sońında pikir almasıwlar bolıp, keshe qızıqlı dawam etdi

Комментарий жазыўшы:

Комментарий (0)