No icon

Қарақалпақстан Республикасы Мəлимлеме китапхана орайында “Ғәрезсиз елде жасаў өзи бахыт” атамасында онлайн кеше өткерилди.

Қарақалпақстан  Республикасы Мəлимлеме китапхана орайында 2020 жыл 25- август күни “Ғәрезсиз елде жасаў өзи бахыт” атамасында Ѳзбекстан Республикасы Ғəрезсизлигиниң 29 жыллығына бағышланып онлайн кеше болып ɵтти. Кешеге Ташкент Мамлекетлик Аграр Университети Нөкис филиалы оқытыўшысы  Ж. Нуратдинова, Қарақалпақстан Республикасы мәлимлеме китапхана орайы  юристконсулти Н. Бердиниязова   ҳәм китапқумарлар қатнасты.   

Кешени  Қарақалпақстан Республикасы мәлимлеме-китапхана орайы Ҳуқықый мағлыўматлар секторы баслығы Н.Жуманиязова  ашты ҳәм алып барды. Байрам менен бәршени қутлықлады ҳәм ғарезсизлик жылларындағы өзгерислер, елимиз ерискен жетискенликлери ҳақкында айтып өтти.

 Ж. Нуратдинова сөзге шығып  «Ғәрезсиз Ўатаным» атамасында баянат жасады. Өз баянатында  ҳәр бир миллет, халық ушын азат, еркин, ғәрезсиз болып жасаў–ең үлкен бахыт. Әсирлер даўамында умтылып, гүресип, қолға киритилген Ғәрезсизлик күни биз ушын ең уллы, ең әзиз байрам. Бул қутлы сәне Өзбекстанның жаңа раўажланыў дәўирин, еркин ҳәм азат турмысты баслап берди. Ол бизге түсимизге де кирмеген имканиятлар есигин ашты, ертек болып көринген нәрселер ҳақыйқатқа айланғанлығы ҳаққында айтып өтти

Н. Бердиниязова байрам Өзбекстан Республикасы ғарезсизлиги тийкарлары  хаққындағы 336-санлы нызамы қабыл етилгенлиги хәм нызам 17 статядан ибарат екенлиги хаққында толық айтып өтти. 

Кеше соңында пикир алмасыўлар болып, кеше қызықлы даўам етти.

 

 

Комментарий жазыўшы:

Комментарий (0)