No icon

Қарақалпақстан Республикасы Мəлимлеме –китапхана орайында «Интернет, жаслар - китапқумарлық» Атамасында хабарландырыў күни онлайн шөлкемлестирилди.

2020 – жыл 28 – август күни Қарақалпақстан Республикасы Мәлимлеме-китапхана орайында Мағлыўмат библиография  хызмети тәрепинен «Интернет, жаслар-китапқумарлық» атамасында онлайн хабарландырыў күни өткерилди.

Хабарландырыў күнине Жоқары оқыў орны ҳәм Орта арнаўлы кәсип-өнер колледжи студент жаслары, китапханамыздың белсене жаслары ҳәм Бердақ атындағы Қарақалпақ Мәмлекетлик Университети Мәлимлеме-ресурс орайық қәнигеси Раўшан Қалмурзаева, 21131 – санлы Арқа Батыс әскерий  округи ресурс орайы китапханасының баслығы Улмекен Жиемуратова ҳәм де китапханашы қәнигелеримиз қатнасты. 

Хабарландырыў күнин Мағлыўмат  библиография хызмети баслығы Гүлзар Аббазова ашты ҳәм алып барды. Ол сөзинде Елимизде ғәрезсизлик жылларында жасларды руўхый жақтан жетик ҳәм физикалық жақтан саламат, Ўатанды сүйиўши ҳәм пидайы етип тәрбиялаў, олардың ҳуқықлары менен мәплерин қорғаў бойынша кең көлемли жумыслар әмелге асырылып атырғанлығы, жасларымызды китап оқыўға болған қызығыўшылығын арттырыў ҳәм жас әўладты ҳәр тәреплеме бәркамал етип тәрбиялаўда, китапханаларымыздың роли оғада үлкен екени ҳаққында айтып өтти.

 Буннан соң Мағлыўмат - библиография хызмети бас библиографы Гулнара Тәжимуратова китапхана орайына жаңадан келген 15 атамадағы әдебиятлардың  мазмуны менен таныстырып өтти.

Қатнасыўшылар  ҳәзирги пандемия шараятында китапхана қәнигелери  тәрепинен китап оқыўшыларының үйде қалып билим алыўлары ушын қандай онлайн китапхана хызметлери көрсетилип атырғанлығы ҳаққында кеңирек түсинbкке ийе болды.

Комментарий жазыўшы:

Комментарий (0)