No icon

Қарақалпақстан Республикасы Мәлимлеме-китапхана орайы тәрепинен ZOOM платформасында “Мәлимлеме-китапхана мәкемелери фондларын толықтырыў, есапқа алыў, жайластырыў ҳәм сақлаў атамасында семинар өткерилди

Қарақалпақстан Республикасы мәлимлеме-китапхана орайында ZOOM платформасында семинар болып өтти.

Семинарды Мәлимлеме-китапхана фондларын жәмлеў хызмети баслығы С.Аметова ашты ҳәм алып барды. Семинарға районлық мәлимлеме-китапхана орайы қәнигелери қатнасты.

С.Аметова районлық мәлимлеме-китапхана орайы қәнигелерине семинардың мақсети ҳәм әҳмийети ҳаққында, Мәлимлеме-китапхана фондларын жәмлеў хызметиниң ўазыйпасы, китапхана фондын толықтырыў жоллары, мәлимлеме-китапхана фондларын есапқа алыў тәртиби, есапқа алыў түрлери,мәлимлеме - китапхана ресурсларын есаптан шығарыў тәртиби, UzNEL миллий электрон дәстүрине китапларды  киритиў жумыслары ҳаққында  айтып өтти.

Мәлимлеме-китапхана фондларын сақлаӯ хызмети баслығы У.Ембергенова мәлимлеме-китапхана орайы фондларын жыйнаў, жайластырыў, сақлаў ҳәмде пайдаланыўшы талапнамасына муўапық хызмет көрсетиў, фондларды белгиленген тәртипте жайластырыў, фондлардың улыўма ҳәм физикалық жағдайын бақлаў, мәмлекетлик стандартлар ҳәм нормаларға муўапық фондлардағы әдебиятларды сақлаў ушын белгиленген ҳаўа температурасы нормаларын бақлаў ҳаққында, мәлимлеме-китапхана ресурсларының узақ ўақыт сақланыўын тәмийинлеў мақсетинде оларды түплеўге бериў, зыянланған сыртқы ҳәм ишки бетлерин мудамы бақлаў ҳәм түплеўге  таярлаў, мәлимлеме-китапхана ресурсларының электрон нусқаларын жаратыў мақсетинде, сканерлеў ҳәм рақамластырыў хызметине тастыйықланған реже  тийкарында бериў, мәжбүрий нусқалардың фондтан ажыратып алыныўы ҳәм бөлек сақланыўы, сийрек гезлесетуғын әдебиятлардың сақланыўы, депозитар фондлар, алмаслаў резерв фондлар, олардың сақланыўы, дизимге алыныўы, фондтағы топографик карточкалардың әҳмийети ҳаққында, инвентаризация жумыслары, есаптан шығарыў (списание) қандай жағдайларда алып барылыўы ҳаққында кеңнен айтып өтти.

Семинар соңында  қатнасыўшылар районлық мәлимлеме-китапхана орайы фондында ҳәзирги күнде исленип атырған жумыслары ҳаққында пикир алысты ҳәм ѳзлерин қызықтырған сораўларын берип жуўаплар алды.

Комментарий жазыўшы:

Комментарий (0)