No icon

Qaraqalpaqstan Respublikası Málimleme –kitapxana orayı Berdaq atındag‘ı Qaraqalpaq Mámleketlik Universitetiniń «Bilimdanlar» klubi agzalari menen birgelikte 21 oktyabr Til bayramı múnásibeti menen "Qádiriń bálent bolsın, ana tilim!" atamasında onlayn ush

2020-jıl 21 oktyabr  kúni Til bayramı múnásibeti menen "Qádiriń bálent bolsın, ana tilim!" atamasında onlayn ushırasıw keshesi bolıp ótti. Keshege Berdaq atındag‘ı Qaraqalpaq Mámleketlik Universitetiniń "Bilimdanlar" klubı ag‘zaları, Ózbek filologiyası dosenti Nazira Yangibaeva, Ózbek filologiyası magistrantı Dilmurod Yuldashev hámde Qaraqalpaq Mámleketlik Universitetiniń  Málimleme- resurs orayı baslıg‘ı Nag‘ima Sharigatova, bas kitapxanashısı  Rawshan Qalmurzaeva, Málimleme kitapxana orayınan Ulıwma oqıw zalı sektori baslıg‘ı  Bolg‘anay Uteniyazova, Elektron resurslardan paydalanıw hám oqıw zalları xızmeti baslıg‘ı Jibek Tleubaevalar qatnastı. Kesheni Qundız Aminbaeva ashtı hám alıp bardı. Dosent  N.Yangibaeva óz sózinde ózbek tiliniń kelip shıg‘ıw tariyxına toqtap ótti. Magistrant D.Yuldashev házirgi kúnde jaslarımızdıń óz ana tiline bolg‘an húrmeti, qáte kemshilikleri haqqında aytıp, óz qáleminen dóregen qosıqlarınan oqıp berdi. N.Sharigatova, R.Xalmurzaeva, B.Uteniyazova, J.Tleubaevalar  bársheni búgingi bayram menen qutlıqladı. Keshege qatnasqan klub ag‘zaları ózleriniń tayarlag‘an ana tili haqqında qosıqların oqıp berdi, miymanlarg‘a ózleriniń qızıqtırg‘an sorawların berip juwaplar aldı.

Комментарий жазыўшы:

Комментарий (0)