No icon

Қарақалпақ халқының сүйикли перзентлери атамасында ушырасыў кешеси болып өтти

“INFOLIB UZBEKISTAN-2020” IX Миллий мәлимлеме-китапхана ҳәптелиги шеңберинде Қарақалпақстан Республикасы Мәлимлеме-китапхана орайында «Қарақалпақ халқының сүйикли перзентлери» атамасында ушырасыў кешеси болып өтти.

Ушырасыў кешемизге Қарақалпақ халық бақсысы, «Дослық» ордени ийеси, «Зульфия» сыйлығының лаурияты, Өзбекстан Мәмлекетлик көркем-өнер ҳәм мәденият институты доценти Гулбаҳар Ахымбетова, Қарақалпақстанға хызмет көрсеткен артист, Амударья телеканалы (АТВ) «Китап» көрсетиўиниң алып барыўшысы Бахтияр Жуматаев, Қарақалпақстан Республикасы Мәлимлеме-китапхана орайы директор орынбасары ҳәм мәлимлеме-китапхана орайы хызметкерлери қатнасты.

Ушырасыў даўамында Г.Ахымбетова өзиниң өмир жолы ҳәм дөретиўшилиги ҳаққында айтып өтти ҳәм Қарақалпақ халық дәстанларынан, Әжинияз ҳәм Мақтумқулының дастанларынан атқарды.

Сондай-ақ, Б.Жуматаев өзи сүйип оқыған китаплары, дәстанлары ҳаққында, Мухаммад Юсуфтың «Биз бахытлы боламыз», Халила Даулетназаровтың «Қайдам» қосығы ҳәм Ибрайым Юсуповтың қосықларынан маналоглар оқып берди.

Ушырасыў даўамында қатнасыўшылар мийманларға өзлери қызықтырған сораўларын берип жуўаплар алды ҳәм ушырасыў қызықлы өтти. 

Комментарий жазыўшы:

Комментарий (0)