No icon

«Жаңа Өзбекстан жаңаша көз қарас» атамасында китап көргизбе

2020 жыл 17-ноябрь күни Бердақ атындағы Қарақалпақ мәмлекетлик университети мәлимлеме-ресурс орайы ҳәм Қарақалпақстан Республикасы Мәлимлеме-китапхана орайы менен биргеликте «Жаңа Өзбекстан жаңаша көз қарас» атамасында жаңа китаплардан китап көргизбеси болып өтти. Бул көргизбеге Қарақалпақ мәмлекетлик университети студент жаслары, «Китапқумарлар» клубы ағзалары ҳәм Өзбекстан мәмлекетлик көркем-өнер ҳәм мәденият институты студент жаслары қатнасты.

Кешени Қарақалпақ мәмлекетлик университети Мәлимлеме ресурс орайы  бас китапханашасы Р.Қалмурзаева ашты ҳәм алып барды.  Қарақалпақстан Республикасы Мәлимлеме-китапхана орайы Үлкетаныў мағлыўматлар секторы қәнигеси А.Арзымбетова бүгинги күнде жаңа Өзбекстанда технологиялар тез пәт пенен раўажланып, заманагөй имаратлар, оқыў орынлары пайдаланыўға берилгенлиги, сондай-ақ, китап оқыўға қызықтырыў, халықты әсиресе жасларды әдебият ҳәм көркем-өнерге қызықтырыў, китапханаларға қамрап алыў, Ўатанға муҳаббат туйғысын асырыў баслы ўазыйпамыз екенлигин айтып өтти.

«Китапқумарлар» клубы ағзасы Қощанов Бахыт шайыр Бахтияр Генжемуратовтың ҳәм Бердақтың қосықларын тәсирли етип оқып берди. Соң Өзбекстан мәмлекетлик көркем-өнер ҳәм мәденият институты студенти Даўлетова Айжамал И.Юсуповтың қосық қатарларынан оқыды.

Кеше даўамында  қатнасыўшылар өзлери қызықтырған сораўларына жуўаплар алды.

Комментарий жазыўшы:

Комментарий (0)