No icon

Ádebiyat hám mádeniyat kewillerge gózzallıq baǵıshlawshı kúsh atamasında sáwbetlesiw keshesi

Qaraqalpaqstan Respublikası Málimleme-kitapxana orayında “INFOLIB UZBEKISTAN-2020” IX Milliy málimleme-kitapxana hápteliginiń  19 noyabr kúni “Ádebiyat hám mádeniyat kewillerge gózzallıq baǵıshlawshı kúsh” atamasında sáwbetlesiw keshesi bolıp ótti. Kesheni Qaraqalpaqstan Respublikası Teleradiokompaniyası kommentatorı Zulfiya Jabbarbergenova alıp bardı. Keshege Qaraqalpaqstanǵa miyneti sińgen mádeniyat xızmetkeri, «Doslıq» ordeni iyesi  Gulistan Dáwletova, Qaraqalpaq xalıq baqsısı, Surxandarya wálayatında bolıp ótken Xalıq aralıq baqsıshılıq tańlawı jeńimpazı Gulnara Allambergenova, Qaraqalpaqstan Respublikasına miyneti sińgen mádeniyat xızmetkeri, “Soǵlom avlod uchun” ordeni iyesi Injigul Saburova,  Ajiniyaz atındaǵı Nókis pedagogikalıq institutı oqıtıwshısı, pedagogika ilimleri doktorı, professor Óserbay Álewov, Berdaq  atıındaǵı Qaraqalpaq mámleketlik universiteti student jasları, «Bilimdan  jaslar» klubı baslıǵı Rawshan  Qalmurzaeva hám kitapxanlar klubı aǵzaları qatnastı. Keshede G. Dáwletova menen kewilden sáwbet bolıp, óziniń jazǵan qosıqlarınan oqıp berdi. G. Allambergenova hám  I. Saburova Qaraqalpaq xalıq dástanlarınan atqardı. Ó. Álewov óz jumıs tájriybelerinen,  jazǵan qosıqlarınan oqıp berdi. Keshe dawamında  klub aǵzaları ózlerin qızıqtırǵan sorawların berip, mazmunlı sáwbetlesiw boldı.

Комментарий жазыўшы:

Комментарий (0)