No icon

Qaraqalpaqstan Respublikası Málimleme kitapxana orayında «INFOLIB UZBEKISTON-2020» IX Milliy málimleme–kitapxana hápteligi sheńberinde «Kitap millet tayanıshı» atamasında jaslar menen ushırasıw

Qaraqalpaqstan Respublikası Málimleme kitapxana orayında «INFOLIB  UZBEKISTON-2020» IX Milliy–kitapxana hápteligi sheńberinde 20 noyabr kúni «Kitap millet tayanıshı» atamasında jaslar menen ushırasıw keshesi bolıp ótti.

Keshege Ózbekstan hám Qaraqalpaqstan Respublikası jazıwshılar awqamı ag‘zası, jazıwshı Marat Tawmuratov, málimleme kitapxana orayınıń belsendi kitap oqıwshısı Orazgul Qoshanova, Berdaq atındag‘ı Qaraqalpaq Mámleketlik universiteti filologiya fakulteti 1 kurs studenti «Jas kitapxan» tańlawınıń 2018 jılg‘ı jeńimpazı Nursulıw Qoqanova, Berdaq atındag‘ı Qaraqalpaq Mámleketlik universitetiniń Málimleme resurs orayı qánigesi Raushan Qalmurzaeva, «Bilimdan jaslar» klubı ag‘zaları, Qaraqalpaqstan Respublikası málimleme kitapxana orayı direktor orınbasarı  Zibagul Saparova, Elektron resurslardan paydalanıw hám oqıw zalları xızmeti baslıg‘ı Jibek Tleubaeva, Ulıwma oqıw zalı sektorı baslıg‘ı Bolg‘anay Uteniyazovalar qatnastı. Kesheni B.Uteniyazova alıp bardı. Jaslarg‘a kitaptıń ómirde tutqan ornı, áhmiyeti hám mámleketimiz tárepinen berilgen imkaniyatlardan durıs paydalanıw  haqqında aytıp ótti.

Keshede M.Tawmuratov óz ómiri jolı, dóretiwshiligi haqqında hám jaslarg‘a kitap millet tayanshı atamasında  doklad oqıdı.  N.Qoqanova óziniń jas kitapxan tańlawına qatnasıw ushın járdem bergen ustazları hám oqıg‘an kitapları haqqında óz teńleslerine aytıp berdi.                        O. Qoshanova jaslarg‘a kitap oqıwdı máslahat etip, kitap penen jaqın dos ekeni tuwralı aytıp ótti. Z. Saparova keshe qatnasıwshılarına alg‘ıslar aytıp, Berdaq atındag‘ı Qaraqalpaq Mámleketlik universitetine óz minnetdarshılıg‘ın bildirdi hám «Bilimdan jaslar» klubı baslıg‘ı R.Qalmurzayevag‘a, klub ag‘zalarınan N.Qoqanova, A.Orazbayeva, S.Ibragimovlarg‘a  “INFOLIB UZBEKISTAN-2020” IX  Milliy málimleme-kitapxana hápteliginde belsendi qatnasqanlıg‘ı ushın Qaraqalpaqstan Respublikası málimleme-kitapxana orayı atınan diplomlar menen sıylıqlandı. Klub ag‘zaları kitap, kitapqumarlıq haqqında qosıqlar aytıp berdi hám keshe qızıqlı ótti.

Комментарий жазыўшы:

Комментарий (0)