No icon

Qaraqalpaq tariyxına, mádeniyatına sayaxat

2020 jıl 20-noyabr kúni “INFOLIB UZBEKISTAN-2020”  IX  Milliy málimleme-kitapxana hápteligi sheńberinde Qaraqalpaqstan Respublikası tariyxı hám mádeniyatı mámleketlik muzeyinde «Qaraqalpaq tariyxına, mádeniyatına sayaxat» atamasında sayahat shólkemlestirildi.

Prezidentimizdiń  jaslar mánawiyatın jetilistiriw hám olardıń bos waqıtların mazmunlı shólkemlestiriw boyınsha alg‘a qoyılg‘an 5 baslama tiykarında    shólkemlestirildi.

Sayaxatqa  Qaraqalpaqstan Respublikası Málimleme-kitapxana orayınıń qánigeleri  menen birgelikte kitap oqıwshıları  hám de «Bilimdanlar» klub ag‘zaları qatnastı. Sayaxattı shólkemlestiriwdegi maqsetimiz - mádeniy dem alıw  menen birgelikte muzeydiń tariyxı, qásterlep saqlang‘an milliy miyraslarımız benen qádiriyatlarımızdı, onı keleshek áwladqa jetkeriwdegi ornı, sonıń ishinde, jaslarımızdı tariyxımızg‘a, mádeniyatımızg‘a, milliy úrp-ádet jáne salt-dástúrlerimizge húrmet ruwxında tárbiyalawg‘a xızmet  etiwdi keńnen tanıstırıw bolıp esaplanadı. Haqıyqatında da, muzey hár bir xalıqtıń ótmishinen búgingi kúnge shekemgi saqlanıp kelgen shejiresi bolıp tabıladı. Solay eken, muzey arqalı sol úlkede jasawshı xalıqtıń tariyxın, dáwir ruwxın seziwimizge boladı. Málim bolg‘anınday, qay jerde mádeniyat, ruwxıylıq,  ag‘artıwshılıq qádirlense, kózdiń qarashıg‘ınday qásterlense, sol eldiń perzentleri kámil insanlar bolıp jetilisedi. «Qaraqalpaq tariyxına, mádeniyatına sayaxat» atamasındag‘ı sayaxatta Qaraqalpaqstan Respublikası tariyxı hám mádeniyatı mámleketlik muzeyi xızmetkeri kórgizbege qoyılg‘an muzeydiń eksponatlarında  XIX-XX ásirlerge tiyisli qaraqalpaq hayal-qızlarınıń bas oramalı esaplang‘an túrmelerdiń, oramallardıń hár túrli úlgileri, er adamlardıń milliy shapanları menen bas kiyimleri, túrli xaywanlar, qadimgi ıdıslar menen birqansha bahalı taslar, etnografiya, jańa tariyx, tábiyat, arxeologiya, fotosúwretler hám ónermentshilik fondlarında saqlanıp kiyatırg‘an birqansha milliy mádeniy miyrasların ózinde sáwlelendirgen eksponatları menen tanıstırıp ótti. Sayaxat juwmag‘ında kitap oqıwshıları hám de klub ag‘zaları estelik ushın suwretke tusip, shólkemlestiriwshilerge ózleriniń minnetdarshılıg‘ın bildirdi.

Комментарий жазыўшы:

Комментарий (0)