Nókis qalalıq 31 - sanlı mektepke shekemgi bilimlendiriw shólkemi menen birgelikte ótkerilgen «Ertek – súyer balalar» atamasında kitap kórgizbesi

2021-jıl 8-yanvar  kúni  Nókis qalalıq 31- sanlı  mektepke shekemgi  bilimlendiriw shólkeminde  Qaraqalpaqstan  Respublikası  Málimleme - kitapxana  orayı tárepinen «Ertek - súyer balalar» atamasında mektepke shekemgi bilimlendiriw tárbiyalanıwshılarına kitap kórgizbesi shólkemlestirildi.

Kórgizbeniń maqseti baqsha jasınan baslap balalardı kitapqumarlıqqa tartıw, oy-órisin asırıw, shaqqanlıqqa úyretiw  bolıp esaplanadı. Bul kórgizbege Nókis qalalıq 31-sanlı mektepke shekemgi  bilimlendiriw shólkeminiń direktorı G.Utewova, metodist  G.Pulatova,  psixolog A.Kuchkarova, mektepke tayarlaw toparı  tárbiyashısı Zuxra  Matikova, Málimleme-kitapxana orayı Úlketanıw mag‘lıwmatlar sektorı baslıg‘ı Gúlmira Asamatdinova,  qánige  Ayımxan Arzımbetova hám mektepke shekemgi bilimlendiriw  shólkeminiń úlken topar tárbiyalanıwshıları qatnastı.  «Ertek - súyer balalar» atamasındag‘ı kitap kórgizbesine «Zangori gilam», «Aldoqchi mushuk», «Tıyın», «Balojonlor uchun bayramlar kitobi», «Xurmacha palvon»,  A.S.Pushkin «Skazki», «Qaraqalpaq xalıq ertekleri», «Sehrli uzuk», «Jahon xalqlari ertaklari», «Mitti botir», «Etti og‘a-ini» «Qaltadan shıqqan shóje»,  «I vsyo-taki ona vertitsya», «Eng katta sehr»  hám basqada xalıq ertekleri orın aldı.

 Keshe sońında mektepke shekemgi  bilimlendirw‘ shólkeminiń úlken topar tárbiyalanıwshıları ózleri bilgen  erteklerin, qosıq hám  jańıltpashların   aytıp berdi.