No icon

Nókis qalası «Sarbinaz» Mákan puqaralar jıyınında kóshpeli kitapxana punkti shólkemlestirildi

2021  jıl 8-yanvar kúni Nókis qalası «Sarbinaz» Mákan puqaralar jıyınında kóshpeli kitapxana punkti shólkemlestirildi.

Bundag‘ı maqsetimiz-aymaqlarda xalıqqa málimleme-kitapxana xızmetlerin kórsetiwdi turaqlı rawajlandırıwg‘a járdemlesiw, kitap oqıw mádeniyatın asırıw, tariyxımızg‘a hám milliy mádeniyatqa qızıg‘ıwshılıg‘ın qáliplestiriw hám kúsheytiw, bay ruwxıy miyrasın,  jazıwshı, shayırlarımızdıń ómiri hám dóretiwshilik xızmetlerin hár tárepleme tereń úyreniw hám úgit-násiyatlaw, olardıń bos waqıtların mazmunlı ótkeriw ushın barlıq qolaylıqlar jaratıw bolıp esaplanadı.

Málimleme-kitapxana orayınıń Elektron resurslardan paydalanıw hám oqıw zalları xızmeti baslıg‘ı J. Tleubayeva tárepinen shártnama tiykarında málimleme –kitapxana orayı fondınan  jazıwshı hám shayırlardıń  ádebiyatlarınan 42 atamadag‘ı kitap alıp barıldı. Shólkemlestirilgen  kóshpeli kitapxana punkti ádebiyatları «Sarbinaz» Mákan puqaralar jıyını xatkeri K. Amanbayeva menen birgelikte  aymaqtag‘ı  jasawshı puqaralarg‘a tanıstırıldı hám onnan 21 adam málimleme-kitapxana orayına ag‘za boldı.

Комментарий жазыўшы:

Комментарий (0)