No icon

21131 Arqa- Batıs áskeriy okrugi Qaraqalpaqstan Respublikası Málimleme kitapxana orayı menen birgelikte ótkerilgen sáwbetlesiw keshesi haqqında Mag‘lıwmat

2021-jıl 11-yanvar kúni 21131 Arqa-Batıs áskeriy okrugi kitapxanasınıń oqıw zalında Qaraqalpaqstan Respublikası Málimleme kitapxana  orayı hám 21131 Arqa-Batıs áskery okrugi menen birgelikte “14-yanvar Watan qorg‘awshılar kúni”ne bag‘ıshlanıp “Milliy armiyamız - tınısh tatıw ómirimiz kepili” atamasında sáwbetlesiw keshesi shólkemlestirildi. Keshede Ózbekstan hám Qaraqalpaqstan  Jazıwshılar awqamı ag‘zası, ádebiy konsultantı hám ádebiyatshı Ámirlan Seydin, 21131 áskeriy bólim kitapxanasınıń baslıg‘ı Elenora Ernazarova,  áskeriy bólim múddetli áskeriy xızmetshi kursantları hám Málimleme kitapxana orayınıń Elektron resurslardan paydalanıw hám oqıw zalları xızmeti baslıg‘ı Jibek Tleubayeva, Ulıwma oqıw zalı sektor baslıg‘ı Bolg‘anay Uteniyazovalar qatnastı.

Kesheni B. Uteniyazova ashtı hám alıp bardı. Ózbekstan hám  Qaraqalpaqstan qaharmanı shayır        I. Yusupovtıń “Watan” haqqında qosıg‘ınan oqıp berip kesheni basladı.

Ámirlan Seydin  bársheni “14- yanvar Watan qorg‘awshılar kúni” menen qutlıqlap jurt basshımız tárepinen barlıq imkaniyatlar jaratılg‘anlıg‘ı, olardan únemli paydalanw kerek ekenligi, keleshek jaslardiki, olar menen maqtansaq arzıydı dep, óz sózi dawamında Watan haqqındag‘ı óziniń jazg‘an qosıqlarınan oqıp berdi.

J. Tleubayeva Bayramg‘a 29 jıl tolıw múnásebetimen bárshe áskerlerdi qutlıqlap Watandı qorg‘aw baslı maqsetimiz ekenligin hám  Málimleme- kitapxana orayındag‘ı engizilip atırg‘an jańalıqlar  haqqında aytıp ótti. Keshege qatnasıp atırg‘an áskerler ózleriniń Watan hám Ana haqqında jazıp júrgen qosıqlarınan oqıp berdi. Keshe sońında soraw-juwaplar bolıp keshe qızıqlı dawam etti.

Комментарий жазыўшы:

Комментарий (0)