No icon

54 - sanlı mektepke shekemgi bilimlendiriw shólkemi menen birgelikte «Balalıqtıń hár demi gózzal» atamasında kitap kórgizbesi shólkemlestirildi

2021-jıl 28-may kúni  Nókis qalalıq 54- sanlı  mektepke shekemgi  bilimlendiriw shólkeminde Qaraqalpaqstan  Respublikası  Málimleme - kitapxana  orayı    tárepinen «Balalıqtıń  hár demi  gózzal» atamasında  baqsha tárbiyalanıwshılarına 1- iyun  Balalardı   qorg‘aw   kúni   múnásibeti   menen   kitap kórgizbe shólkemlestirildi.

  Kórgizbeniń maqseti baqsha jasınan baslap balalardı kitapqumarlıqqa tartıw, oy-órisin  asırıw,  shaqqanlıqqa  úyretiw, taza  júriw,  tártipli, bolıw,  jası úlkendi  húrmetlewdi  úyretiw  bolıp   esaplanadı. U’lketanıw mag‘lıwmatlar sektorı qánigesi A. Arzımbetova, 54- sanlı  mektepke shekemgi  bilimlendiriw shólkemi   tárbiyashısı K. Abdullayeva hám 2 - úlken topar tárbiyalanıwshıları qatnastı.  

 «Balalıqtıń  hár demi  gózzal» atamasındag‘ı kitap kórgizbesine «Qaraqalpaq xalıq ertekleri», «Yapon  xalıq ertekleri», «Bey, dubinka», «Mehrinigor», «Xitrost dedushki Serki», «Tri lisı», «Túlki hám qasqır», «Shıraylı úyshe», «Starik  i Dev», «Úsh g‘aziyne», «Samoye bolshoye volshebstvo» hám basqada xalıq ertekleri orın aldı. Ko’rgizbe sońında 2 - úlken topar tárbiyalanıwshıları ayaq oyın  hám  qosıqlar aytıp, úlken tásir qaldırdı hám balalar  ózleriniń bilgen erteklerinen aytıp berdi,   soń  olarg‘a  sawg‘alar  tapsırıldı.

Комментарий жазыўшы:

Комментарий (0)