No icon

Qaraqalpaqstan Respublikası Málimleme kitapxana orayı tárepinen Qaraqalpaqstan Respublikası rayonlıq Málimleme – kitapxana oraylarında ámeliy járdem kórsetildi

2021- jıl 1-2 iyun kúnleri  Qaraqalpaqstan Respublikası Málimleme kitapxana orayınıń direktorı I.Sharapova, Kataloglastırıw hám málimleme-kitapxana fondların qayta islew  xızmeti baslıg‘ı M.Uteniyazova, Maglıwmat hám kitapxana fondların toplaw xızmetiniń bas qánigesi A.Qalmuratova, Maglıwmat bibliografiya xızmetiniń baslıg‘ı G.Abbazova. Málimleme kommunikaciya texnologiyaları hám raqamlastırıw xızmetiniń bas qániegesi B. Kaniyevler tárepinen Shomanay, Shımbay, Qaraózek, Taxtakópir rayonlıq Málimleme-kitapxana oraylarında ámeliy hám metodikalıq járdem kórsetildi

Qaraqalpaqstan Respublikası Málimleme kitapxana orayınıń qánigeleri hár bir rayonlıq Málimleme-kitapxana oraylarında islenip atırgan jumısları, sharayatları menen tanısıp shıqtı. Qánigelerimiz ayırım jumıslarına usınısların berip óttiBunda maqsetimiz, rayonlıq Málimleme-kitapxana oraylarında fond kitapların esapqa alıw tártibi, inventar jurnaldı alıp barıw, ilimiy hám de texnikalıq jaqtan kitaplarga qayta islew beriwdi alıp barıw, fondtı tártipli jagdayda jaylastırıw, bibliografiyalıq jumıslardı alıp barıwda ámeliy járdem beriw bolıp esaplanadı. Direktorımız I.Sharapova rayon Málimleme-kitapxana oraylarınıń zamanagóy imaratlarda bolıwı ushın RMKO direktorları, rayon hákimleri menen birgelikte, ajıratılg‘an jer maydanları menen, kitapxanalardıń sharayatları, kitap oqıwshılarg‘a kórsetilip atırg‘an jumısları menen tanısıp shıqtı,  kitapxana qánigelerine, kórsetilip atırg‘an jumıslardı sapalı, zaman talabına say  isleniw kerekligi boyınsha másláhátler berip ótti. Óz gezeginde rayonlıq málimleme-kitapxana orayı qánigeleri ózleriniń qızıqtırg‘an sorawlarına juwaplar aldı.

Комментарий жазыўшы:

Комментарий (0)