No icon

Qaraqalpaqstan Respublikası málimleme – kitapxana orayında «Kitap hám kitapqumarlıq insan mánawiyatınıń aynası» atamasında xabarlandırıw kúni shólkemlestirildi

2021 - jıl 8 - iyun kúni Qaraqalpaqstan Respublikası Málimleme kitapxana orayında Mag‘lıwmat bibliografiya xızmeti tárepinen «Kitap  hám kitapqumarlıq insan mánawiyatınıń aynası»  atamasında xabarlandırıw kúni ótkerildi. Xabarlandırıw kúnine Berdaq atındag‘ı Nókis mámleketlik universiteti shet tilleri fakultetiniń student jasları qatnastı.  Xabarlandırıw kúnin Mag‘lıwmat - bibliografiya xızmeti baslıg‘ı Gulzar Abbazova kiris sóz benen ashtı, ol óz sózinde Prezidentimiz tárepinen alg‘a qoyılg‘an 5 baslamanıń tórtinshisinde kórsetilgen  jaslar  mánawiyatın  joqarılatıw,  olardıń  arasında kitapqumarlıqtı keńnen úgit-násiyatlaw  boyınsha  sistemalı  jumıslardı  shólkemlestiriw  bag‘darında kitapxana orayında alıp barılıp atırg‘an jumıslar haqqında aytıp ótti. Bunnan soń xızmettiń bas bibliografı Gulnara Tajimuratova kitapxana orayına jańadan kelgen 28 atamadag‘ı ádebiyatlardıń qısqasha mazmunı menen tanıstırdı hámde jaslardı kitap oqıwg‘a shaqırıp óz másláhátlerin berdi.

Комментарий жазыўшы:

Комментарий (0)