No icon

Qaraqalpaqstan Respublikası Málimleme-kitapxana orayında «Málimleme-kitapxana orayınıń eń jaqsı qánigesi» kórik tańlawı shólkemlestirildi

Ózbekstan Respublikası Prezidentiniń 2019 jıl 7 iyundag‘ı «Ózbekstan Respublikası xalqına málimlemekitapxana xızmetin kórsetiwdi bunnan bılay da jetilistiriw haqqında»g‘ı PQ-4354-sanlı qararı menen tastıyıqlangan «2019-2024 jıllarda Ózbekstan Respublikasında málimleme-kitapxana tarawın rawajlandırıw boyınsha is-ilajlar dástúri»ndegi 2-qosımshası 6 punktiniń orınlanıwın támiyinlew maqsetinde, 2021 jıl 17 iyun kúni Qaraqalpaqstan Respublikası Málimleme-kitapxana orayında «Málimleme-kitapxana orayınıń eń jaqsı qánigesi» kórik tańlawınıń 1- basqıshı bolıp ótti.

Tańlawga Áliysher Nawayı atındag‘ı Ózbekstan Milliy kitapxanası ilimiy-metodika xızmeti bas qánigesi A. Qilichbaev, Ózbekstan Respublikası Prezidenti Administraciyası janındag‘ı  Málimleme hám galaba kommunikaciyalar agentliginiń Qaraqalpaqstan Respublikası basqarması baslıg‘ı A. Bekmuratov, Qaraqalpaqstan Respublikası Jazıwshılar Awqamı ádebiy másláhátshisi, folklorist Ámirxan Seydin El Súyer ulı, Ózbekstan Respublikası Innovacion rawajlanıw ministrligi Qaraqalpaqstan Respublikası basqarması jetekshi qánigesi     A. Nurumbetov hám Berdaq atındag‘ı Qaraqalpaq mámleketlik universiteti málimleme-resurs orayı direktorı N. Sharigatovalar tóreshilik etti.

Tańlawdı Qaraqalpaqstan Respublikası Málimleme-kitapxana orayı direktor orınbasarı  Z. Saparova alıp bardı. 

Kórik tańlawda komissiya baslıg‘ı Áliysher Nawayı atındag‘ı Ózbekstan Milliy kitapxanası ilimiy-metodika xızmeti bas qánigesi A. Qilichbaev qatnasıwshılardı tańlawdıń Nızamı, maqset hám wazıypaları, shártleri hámde talapları menen tanıstırıp ótti.

 Tańlawda Qaraqalpaqstan Respublikası Málimleme-kitapxana orayı hámde rayonlıq Málimleme-kitapxana orayları “Málimleme-kitapxana orayınıń eń jaqsı qánigesi” kórik tańlawınıń 1 basqıshında 15 kitapxanashı qánigeler qatnasıp óz-ara bellesti. 

Tańlawga Qaraqalpaqstan Respublikası Málimleme-kitapxana orayı hám rayonlıq málimleme-kitapxana orayı qánigeleri qatnasıp, birinshi orındı  Taxiatash rayonı málimleme-kitapxana orayı abonement hám paydalanıwshılarga xızmet kórsetiw xızmeti qánigesi Xalbaeva Dilfuza, ekinshi orındı  Ellikqala rayonı málimleme-kitapxana orayı maglıwmat-bibliografiya xızmeti bibliografı Artıqbaeva Nargiza  hámde úshinshi orındı Moynaq rayonı málimleme-kitapxana orayı maglıwmattexnologiya hám raqamlastırıw xızmeti qánigesi jeńip alıp, Tashkent qalasında bolıp ótetug‘ın keyingi basqıshga jollama aldı.

 

Комментарий жазыўшы:

Комментарий (0)