No icon

«Jaslar, kitap hám kitapqumarlıq» atamasında sáwbetlesiw keshesi ótkerildi

Qaraqalpaqstan Respublikası Málimleme-kitapxana orayı Úlketanıw mag‘lıwmatlar sektorı tárepinen «30-iyun   jaslar    kúni»ne  bag‘ıshlanıp «Jaslar, kitap hám kitapqumarlıq»  atamasında sáwbetlesiw keshesi shólkemlestirildi. Keshege  Qaraqalpaqstan     Respublikası    Joqarg‘ı    Keńesi      deputatı, “Qoraqalpog‘iston   tongi”   gazetası  redaktorı    N.Matyakubova  hám    Nókis qalası   jas   jurnalistler    mektebi   oqıwshıları    qatnastı. Kesheni ulıwma   oqıw   zalı   sektorı   baslıg‘ı    B.  Uteniyazova   ashtı hám alıp bardı.  Kitap    insandı   pikirlewge   jetekleydi, pikirlew  bul  insandag‘ı   eń     joqarı  pazıylet. Kitap  insannıń    ózin-ózi    tárbiyalawdag‘ı    eń  sabırlı   tárbiyashı,    kitapqa  dos  insan  átirapındag‘ı   insanlar   menen    tereń  tárbiyalı  múnásibette  boladı,     aq  penen   qaranı   ajıratadı,  bul  ómirdiń   kóz ashıp  jumg‘ansha  tez  ótip  ketetug‘ının    ańlaydı,   jaqsılıq  islewge,    ózinen  jaqsı  iz  qaldırıwg‘a    háreket  etedi.  Mámleketimiz   basshısı   jaslar  ushın   hámme  sharayatlardı  jaratıp bermekte,   Prezidentimizdiń  kitapqumarlıq,  jas  áwladlarg‘a kitap  oqıtıw  mádeniyatın  asırıw  boyınsha   qararları    haqqında    aytıp   ótti. N.  Matyakubova   Elimiz    Prezidenti   “Kitapsız   keleshek  joq!”  uranı   menen    hár  bir   oqıwshı    kitap  oqısa   qálbinde  insanıylıq  tuyg‘ı,     júreginde  mehir – muhabbet   bulaqları  ashıladı. Keyingi  waqıtları  ómirimizge  qol  telefonları  kirip  keldi,  ayırım  tarmaqlarda   mentalitetimiz,  milliy  qádriyatlarımızg‘a   qarsı,    jaslardıń   sanasına sińdirilgen  jaman  niyetlerin,   jaqsılıq  niyetleri   menen   jazılg‘an  kitaplar  g‘ana,  olarg‘a   tosıq  bola  aladı.     Elimizde  keleshek   áwlad  eline  sadıq  perzent,  hár  tárepleme  bilimli  bolıwı  ushın  bárshe  imkaniyatlar  bar.  Ata-analarda  kitapqa  degen  tuyg‘ı  bolıwı  kerek.  Kitap  oqıtıwg‘a  hámme  juwapker  bolıp,  hár  bir  adam    kitapqumarlıq estafetasın,   óz  úyinen,  balasınıń  qolına  kitap  beriwden  baslawı  kerek   dep óz sózin juwmaqladı   hám  ózi  jazg‘an  qosıqlarınan   oqıp  berdi. Keshe dawamında  jaslar  ózlerin  qızıqtırg‘an  sorawların  berip   juwaplar  aldı.

Комментарий жазыўшы:

Комментарий (0)