No icon

«Repressiya qurbanları-Watan pidayıları» atamasında kitap kórgizbe

2021-jıl 26-avgust kúni Qaraqalpaqstan Respublikası Málimleme Kitapxana Orayınıń oqıw zalında Elektron resurslardan paydalanıw hám oqıw zalları xızmeti hám ulıwma oqıw zalı sektorı menen birgelikte  «Repressiya qurbanların eslew» kúni múnasibeti menen «Repressiya qurbanları-Watan pidayıları»  atamasında kitap kórgizbesi shólkemlestirildi.

Milletti azatlıqqa shaqırǵan, Watanınıń azatlıǵı hám ǵárezsizligi ushın qaharmanlıq kórsetken, koloniyalıq dúzim dáwirinde repressiyaga ushıraǵan watanlaslarımızdıń muqaddes esteligin mángilestiriw, olardıń ómirin hám xızmetlerin tereń úyreniw, sonday aq jaslarda ata-babalarınıń qaharmanlıq ruwxın hám kúshli erkin húrmetlew, pidayılıq hám pidákarlıq sezimin kúsheytiw maqsetinde 2001-jıldan baslap hár jılı 31-avgust «Repressiya qurbanların eslew» kúni sıpatında belgilenbekte.

«Repressiya qurbanların eslew» kúnine baǵıshlangan  «Repressiya qurbanları-Watan pidayıları»  atamasında kitap kórgizbesinde tiykarınan Sh.Babashevtıń «Dóhmet degishi», «Jazıqsız jazalanǵan repressiya qurbanları», «Qaraqalpaqstan Respublikası tarıyxındaǵı siyasiy qurbanlar», «Repressiyaga ushıraǵan ulamalar», «Repressiya 1937-1938», sonday aq Aburauf Fitrat, Abdulla Avloniy, Maxmudxoja Bexbudiy kibi Jadidshilik  háreketi wákillerine baǵıshlangan kitaplar hám gazeta-jurnallarda repressiya hám repressiya qurbanları haqqında shıqqan maqalalar  orın algan.

Комментарий жазыўшы:

Комментарий (0)