No icon

Qaraqalpaqstan Respublikası Málimleme-kitapxana orayında oqıw seminarı ótkerildi

2021 jıl 13-14 sentyabr kúnleri Qaraqalpaqstan Respublikası Málimleme-kitapxana orayı hám rayonlıq málimleme-kitapxana oraylarında xızmet saparların shólkemlestirdi.    Á. Nawayı atındaǵı Ózbekstan Milliy kitapxanası hám Respublika jámlengen elektron katalog orayınıń qánigeleri tárepinen shólkemlestirilip atırǵan xızmet saparlarınıń tiykarǵı maqseti rayonlıq (qala)  málimleme-kitapxana oraylarında qánigelerin unicat.natlib.uz onlayn dásturi menen tanıstırıw, dizimde jumıs islew boyınsha bilim hám tájiriybelerin beriw, rayonlıq (qala)  málimleme-kitapxana oraylarında kitapxanashılıq jumısların bir túrde alıp barıw hám kitapxana fondın durıs júritip barıw, UzNEL milliy elektron katalogı, kitap oqıwshılarǵa xızmet kórsetiw, kataloglastırıwda UDK processleri menen tanıstırıw edi. Bul seminarǵa Qaraqalpaqstan Respublikası Málimleme-kitapxana orayı hám rayonlıq málimleme-kitapxana oraylarınıń direktorları hám qánigeleri qatnastı.

Seminardı Qaraqalpaqstan Respublikası Málimleme-kitapxana orayı direktori Injigul Sharapova ashtı hám alıp bardı. Ol óz sózinde Respublika jámlengen elektron katalog orayı tárepinen hár eki jılda bir márte ótkeriletuǵın seminar qánigelerdiń is tájiribesin hám bilimlerin asırıwǵa qaratılǵanın atap ótti.  Seminar dawamında Respublika jámlengen elektron katalog orayı direktori Zuxra Nasirova sózinde Respublika jámlengen elektron katalog orayınıń uazıypası, normativ hújjetler, strukturası, onlayn dásturiniń qolaylıqları hám abzallıqları, málimleme-kitapxana mekemeleri menen birgelikte jumıs islew haqqında slayd arqalı aytıp berdi. Usı menen birgelikte jámlengen elektron katalog orayı sektorınıń alıp barılatuǵın jumısları haqqında tapsırmalar berip ótti.

Sonday - aq Kataloglastırıw hám redaktorlaw xızmetiniń bas qánigesi Maftuna Ruzieva dizimde bibliografik jazıw jaratıw, dana qosıw hám eksport-import máseleleri boyınsha slaydlar arqalı kórsetip berdi. Á. Nawayı atındaǵı Ózbekstan Milliy kitapxanası Kataloglastırıw hám tizimlestiriw xızmetiniń bas qánigesi Nargiza Dostmuxamedova UDK hám BBK haqqında ayrıqsha toqtalıp, kitaplarǵa UDK indeksleriniń beriliw tártibin túsintdrip berdi. Paydalanıwshılardı dizimge alıw hám málimleme xızmetlerin kórsetiw xızmetiniń 2-kategoriyalı qánigesi Shirin Irmatova  paydalanıwshılardı “Excel”de dizimge alıw hámde elektron dizimnen ótiwdiń abzallıǵın úyretti. Málimleme-kitapxana fondların jámlew xızmetiniń 1-kategoriyalı qánigesi  Batır Iskandarov inventar sanların  elektron tárizde beriliw tártibin slaydlar arqalı kórsetip berdi.

Seminar juwmaǵında qatnasıwshılar tárepinen berilgen sorawlarǵa juwaplar berip ótildi.

Комментарий жазыўшы:

Комментарий (0)