No icon

« Watandı qálbinen jırlaǵan shayır» atamasında ushırasıw keshesi

2021 jıl  17-sentyabr kúni Qaraqalpaqstan Respublikası Málimleme-kitapxana orayı  Úlketanıw maǵlıwmatlar sektorı  hám   Qaraqalpaqstan  awıl  xojalıǵı  hám  Agrotexnologiya  inistitutı   studentleri  menen birgelikte Ózbekstan  hám  Qaraqalpaqstan  Jazıwshılar awqamı  aǵzası,  Jaslar awqamı  sıylıǵınıń   laureatı,  “Doslıq”ordeni  iyesi, shayıra  Gúlnara  Nurlepesovanıń  tuwılǵanına 60  jıl  tolıw   múnásebeti  menen «Watandı   qálbinen  jırlaǵan  shayır»     atamasında    ushırasıw    keshe   shólkemlestirildi.

Keshede Jaslar  menen  islesiw, ruwxıy  aǵartıwshılıq  isleri  boyınsha  dekan orınbasarı O. Seytmuratov, Qaraqalpaqstan Respublikası  Málimleme  kitapxana orayı qániygesi  A.Arzımbetova,  Gúlnara  Nurlepesovanıń  ómiri, dóretiwshiligi  haqqında kitap  oqıwshılarǵa  keńnen  aytıp berdi hám  shayıranı yubiley  jası  menen  qutlıqlap,  dóretiwshilik  jumıslarında  tabıslar  tiledi.

G.Nurlepesova óz sózinde, jurnalist,  gazeta  redaktorı bolıp  xızmet etkenligi, jurnalist kásibine  mehir  hám  ıqlas  qoyǵanlıǵı, qosıqları  tek  ilham, yosh  kelgende  ǵana  dóreytuǵınlıǵı,     haqıyqıy  jurnalist, insannıń   ishine  kirip,  kewlinen   jay   tawıp   sóylesedi,   haqıyqatshıl,  tuwrı sózli bolıp  keledi, dep  aytıp  ótti. Soń   shayıra G. Nurlepesova  “Sen  maǵan jalǵızsań” atlı  jańadan   shıqqan   kitabın   kitapxanamızǵa   sawǵaǵa   tapsırdı. Ushırasıw   keshede   shayırdıń  dóretiwshiligine  arnalıp, onıń  kitapları, qosıqları,  foto-súwretleri, gazeta-jurnallarda  basılıp shıqqan shıǵarmaları    kórgizbeden jay  aldı.

Keshe dawamında    jaslar  shayırdıń   qosıqlarınan   oqıp  berdi    hám   ózlerin  qızıqtırǵan  sorawlarına     juwaplar  aldı.

Комментарий жазыўшы:

Комментарий (0)