No icon

«Ana tilim- altın g‘a’ziynem» atamasında muzıkalı a’debiy keshe bolıp o’tti.

2021 jıl 19 oktyabr kuni 21131-sanlı Arqa Batıs a’skeriy okrugi ulken zalında 21 oktyabr O’zbek tiline Ma’mleketlik til biyligi berilgenliginin’ 32 jıllıg‘I muna’sibeti menen «Ana tilim- altın g‘a’ziynem» atamasındag‘ı muzıkalı a’debiy keshe bolıp o'tti. Keshege Qaraqalpaqstan Respublikası ma’limleme kitapxana orayınan B.Uteniyazova, J.Tleubayeva, A’jiniyazatındag‘I No’kis ma’mleketlik pedagogika institutı fizika matematika fakulteti jetekshi jasları, studentleri, Ma’deniyat uyine qaraslı «Ilme-Sultan» xalıq ansambili, «Arzıw» qosıqshılar toparı ag‘zaları ha’mde a’skerler qatnastı. Kesheni jetekshi jaslardan Ozoda Allanazarova ha’m Yernazar Pirnazarovlar alıp bardı. Keshede B.Uteniyazova «Ana til millettin’ ruwxı» atamasındag‘ı  bayanatın oqıdı. Keshe qatnasıwshıları tilimizdi ullılawshı xikmetli so’zler, jazıwshılarımız qa’leminen do’regen qosıqqatarları, g‘a’zzeller, jaslar ta’repinen turli mazmundag‘I monologlar keshege o’zgeshe zawıq bag‘ıshladı.«Ilme-Sultan» xalıq ansambili ha’m «Arzıw» qosıqshılar toparı ag‘zaları ta’repinen atqarılg‘an qosıqlar ha’mde ayaq oyınları ilajda bayramg‘a say go’zzallıq ha’m tamashago’yler kewiline ko’terin’ki keypiyat bag‘ıshladı. Ilaj son’ında 21131-sanlı Arqa Batıs a’skeriy okrugı tarbiyalıq ha’m de ideologiyalıq isleri boyınsha bo’lim baslıg‘I Isakov Murat keshege aktiv qatnasqan jetekshi jaslarımızg‘a minnetdarshılıq ha’mde maqtaw jarlıqları menen sıylıqladı.

Комментарий жазыўшы:

Комментарий (0)