No icon

Qaraqalpaqstanda -Ázerbayjan mádeniyatı hám ádebiyatı kúnleri

Búgingi kúnde mámleketimizde Prezidentimiz basshılıǵında ruwxıy -bilimlendiriw jumıslar nátiyjeliligin asırıwǵa ayrıqsha itibar qaratılıp atır, sebebi ruwxıylıq hám bilimlendiriw -mámleket hám xalıqtıń búgingi hám ertengi tınısh, jetkilikli turmısında zárúrli áhmiyetke iye boladı. Basqasha aytqanda, ruwxıylıq, bilim, mádeniyat - terektiń ózek tamırlarınday bolıp esaplanadı. Tuwrı, mámleket gúlleniwinde rawajlanǵan mámleketlerdiń ilim, texnika, ekonomikalıq tárepten jetiskenliklerinen úlgi alıw múmkin. Ózligin saqlap, rawajlandırıp barǵan xalıq shın mániste ǵárezsiz, baxıtlı bola aladı. Usı waqıtta bul jóneliste óz jumısımızǵa sın kózqarastan názer taslaw waqıtı keldi.  «Milliy mádeniyat kúnleri» «Milliy tikleniwden - milliy rawajlanıwǵa» baratırǵan xalıqtıń eń birinshi qaǵıydası bolıwına isenemiz. Biz dún'ya háwes etetuǵın miymandos, shańaraqqa tiyisli awızbirshilik, úlkenlerge húrmet, kishilerge izzet názeri menen qaraytuǵın, hadallıqtı insaniylıqtıń eń zárúrli talabı dep biletuǵın milletpiz. Bunday gózzal qádiriyatlardı dúnyaǵa keń en jaydırıw arqalı xalıqtıń ózligin  saqlap qala alamız. Qaraqalpaqstanda Ázerbayjan mádeniyatı hám ádebiyatı kúnleri sheńberi dawamında Ázerbayjan delegaciyaları tárepinen  Qaraqalpaqstan Respublikası málimleme-kitapxana orayına kitaplar sawǵa etildi. Álbette bul sawǵa retinde berilgen kitapları kitapxana orayı fondınan orın aladı hám kitap oqıwshılarımız tárepinen jıllar dawamında súyispenshilik penen paydalanıladı. Qaraqalpaqstan Respublikası málimleme-kitapxana orayı jámááti hám kóp sanlı kitap oqıwshılarımız atınan Ázerbayjan xalqına ayrıqsha minnetdarshılıǵımızdı bildiremiz.

Комментарий жазыўшы:

Комментарий (0)