No icon

«Kitapxanada Kvest» komandalıq oyını

Ózbekstan Respublikası Prezidentiniń 2019 jıl 7 iyundaǵı PQ-4354-sanlı qararı menen tastıyıqlanǵan «2019-2024 jıllardı Ózbekstan Respublikasında málimleme kitapxana tarawın rawajlandırıw boyınsha is-ilajlar dástúri» hám Qaraqalpaqstan Respublikası Málimleme kitapxana orayınıń 2021 jıl 26 noyabrdegi 82-sanlı buyrıǵın orınlaw maqsetinde «Kitapxanada Kvest» komandalıq oyını ótkerildi.

            2021 jıl 23 dekabr kúni 21131-sanlı Arqa Batıs áskeriy okrugi kitapxanasında «Kitapxanada Kvest» komandalıq oyını bolıp ótti. Kvest oyınına Ájiniyaz atındaǵı  Nókis mámleketlik pedagogikalıq institutı mektepke shekemgi tálim fakultetiniń «Belsendiler» komandası, Samarqand veterinariya medicina instituti «Fidoyilar» komandası, 21131-sanlı Arqa Batıs áskeriy okruginiń «Qalqan» komandası qatnastı.

            Kvest oyınınıń tóreshiler quramı aǵzaları Ózbekstan hám Qaraqalpaqstan Jazıwshılar awqamı aǵzası, satirik-yumorist, jurnalist, jazıwshı Biysenbay Bekmuratov, Qaraqalpaqstan Respublikası Málimleme kitapxana orayı Elektron resurslardan paydalanıw hám oqıw zalları xızmeti baslıǵı Jibek Tleubaeva, 21131-sanlı áskeriy okrugi kitapxanasınıń qánigesi Elenora Ernazarovalar bahaladı.

            Kvest oyının Ulıwma oqıw zalı sektorı baslıǵı B. Uteniyazova shólkemlestirdi hám alıp bardı. Oyın 3 shártten ibarat boldı. 1-shárt  «Bilimler deregi» dep atalıp Jáhán ádebiyatınan Chingiz Aytmatov shıǵarmaları mazmunı sóylep berildi. 2- shárt «Ilim izlegen qálipler ushın» dep atalıp, Ótkir Hoshimov ómiri hám dóretiwshiligine tiyisli sorawlar berilip, juwaplar berildi. 3-shárt «Bul kim?» dep atalıp, monitor arqalı kórsetilgen suwretlerdegi jazıwshı hám shayırlardıń atı hám familiyasın aytıp berdi.    Oyın juwmaǵında 1-orındı «Belsendiler» komandası, 2-orındı «Pidayılar» komandası, 3-orındı «Qalqan» komandası iyeledi. Komandalardı hám qatnasıwshılardı tayarlap kelgen ustazları húrmet jarlıǵı hám minnetdarshılıqlar menen sıylıqlandı.

Комментарий жазыўшы:

Комментарий (0)