No icon

Qaraqalpaqstan Respublikası Málimleme kitapxana orayında «Jańa jıl jańa imkaniyatlar» atamasında bayram ótkerildi.

2021 jıl 30-dekabr kúni Qaraqalpaqstan Respublikası Málimleme kitapxana orayında «Jańa jıl jańa imkaniyatlar» atamasında Jańa jıl bayram sawǵaları tapsırıldı. Bayramǵa  Qaraqalpaqstan Respublikası Málimleme kitapxana orayınıń qánigeleri hámde xızmetkerleri qatnastı. Bayramda Qaraqalpaqstan Respublikası Málimleme kitapxana orayınıń direktori I.Sharapova, direktor orınbasarı Z.Saparova, Qaraqalpaqstan Respublikası Málimleme kitapxana orayı baslanǵısh kásiplik awqamı komitetiniń baslıǵı M.Uteniyazovalar jańa jıl menen qutlıqlap ótti.  Olar óz sózlerinde 2021-jıl «Jaslardı qollap-quwatlaw hám xalıqtıń salamatlıǵın bekkemlew jılı»nda ámelge asırıwǵa tiyisli Mámleketlik dásturine tiykarlanıp, Qaraqalpaqstan Respublikası Málimleme kitapxana orayında alıp barılǵan jumısları, jetiskenlikleri hám málimleme kitapxana tarawında rawajlanıw, kitapxanalarda saqlanıp atırǵan milliy mádeniy miyrastı asırap-abaylap hám bayıtıwǵa múnásip úleslerin qosqanlıǵın, jámiyette kitap oqıw mádeniyatın, kitap oqıwshılarǵa keńirek násiyatlanǵanın atap ótti. Sonıń menen birgelikte bayram múnásibeti menen Jańa jıl shańaraqlarımızǵa baxıt, bekkem salamatlıq, áwmetler alıp keliwin, baslap atırǵan jańa ideyalarda, jańa jumıslarımızda áwmetler hám rawajlanıwlardı tilep qaldı. Bayramda Qaraqalpaqstan Respublikası Málimleme kitapxana orayı baslanǵısh kásiplik awqamı komiteti tárepinen tayarlanǵan jańa jıl sawǵaların kitapxana direktori  I.Sharapova hám M.Uteniyazova xızmetkerlerge sawǵaların tapsırdı. Jańa jıl bársheńizge qutlı mubárek bolsın!

Комментарий жазыўшы:

Комментарий (0)