No icon

2022 jıl «Insan qádirin uluģlaw hám belsendi máhalle jılına» na baģıshlanıp “Insan qádiri qádirlengen eldiń keleshegi ullı” atamasında sáwbetlesiw keshesi

2022 jıl 20 yanvar kúni Málimleme kitapxana orayında «Insan qádirin uluģlaw hám belsendi  máhalle jılı»na baģıshlanıp “Insan qádiri qádirlengen eldiń keleshegi ullı” atamasında sáwbetlesiw keshe bolıp ótti.

Keshege Nókis qalası “Sarbinaz” Mákan puqaralar jıyını baslıǵı orınbasarı Altın Nısanbekova ham jaslar isleri boynsha másláhatshisi Azima Bawetdinova, Ózbekstan jaslar isleri agentligi Qaraqalpaqstan Respublikası bólimi, “Qizlar ovozi” volontyorları hám  Málimleme kitapxana orayınıń Elektron resurslardan paydalanıw hám oqıw zalları xızmet baslıģı Jibek Tleubaeva, oqıw zalı sektor baslıģı Bolģanay Uteniyazovalar qatnastı.

Kesheni B. Uteniyazova ashtı hám alıp bardı.

Ol óz sózinde jurtbasshımızdıń Insan qádirin kótermelew- jurtımızda jasap atırģan hár bir insannıń huqıq hám erkinlikleri, nızamlı máplerin támiyinlew bolıp esaplanadı. Buģan baylanıslı jámiyetimiz tiykarı bolģan máhelle sheshiwshi orın tutadı, degen sózleri menen basladı.

Altın Nısanbekova sózinde máhelledegi kem támiyinlengen shańaraqlardı qollap-quwatlaw hám kámbaģallıqtı azaytıw boyınsha alıp barılıp atırģan jumısların mısal etip, kemshilikler yamasa mashqalalardı kóterip shıģıw menen sheklenip qalmastan onı saplastırıw kerek degen sózlerdi aytıp ótti.

J. Tleubaeva belsendi máhelle bul - úlken túsinik, kekse hám jaslardıń jámiyette belsendi bolıwı, elge mápi tiyiwi, mámleket rawajlanıwına úles qosıwı, bilimli hám intalı bolıwı bolıp esaplanadı dep, jaslarımızģa Málimleme kitapxana orayı hám kitap oqıwshılar ushın shárt-shárayatlar jaratılģanlıģı haqqında aytıp ótti.

Keshe sońında qatnasıwshı  jaslar ózleri qızıqtırģan sorawlarģa juwaplar aldı.

Комментарий жазыўшы:

Комментарий (0)