No icon

“Xotira elni xalq etuvchi qudrat” atamasında keshe

 2022 jıl 29 aprel kúni 21131- sanlı Arqa batıs áskeriy okrugı kitapxanasında 9-may eslew hám qádirlew kúni múnásibeti menen “Xotira elni xalq etuvchi qudrat” atamasında keshe bolıp ѳtti. Keshege Arqa batıs áskeriy okrugı napaqadaǵı podpolkovnik Abdirasul Yusupov, Qaraqalpaqstan Respublikası veteranlar keńesi baslıǵı, rezervtegi podpolkovnik Polatbek Ergunusov, Qaraqalpaqstan Respublikası veteranlar keńesi baslıǵı orınbasarı, rezervtegi serjant Baxıt Qannazarov, Arqa batıs áskeriy okrugı nuraniyler keńesi aǵzası, napaqadaǵı polkovnik Maqsetbay Musaev, Qaraqalpaqstan Respublikası málimleme kitapxana orayı ulıwma oqıw zalı sektorı baslıǵı Bolganay Uteniyazova, Elektron resurslardan paydalanıw oqıw zalları xızmeti baslıǵı Jibek Tleubaeva, Ájiniyaz atındaǵı Nókis mámleketlik pedagogikalıq institutı fizika matematika fakultetiniń student jasları hámde áskerler qatnastı.

 Keshe miymanları óz sózlerinde el tınıshlıǵı, xalıq abadanlıǵın támiyinlew ázelden ata-babamızdıń tiykarǵı maqsetlerinen biri sanalǵan. Sebebi, tınıshlıq húkim súrgen jerde ǵana qut- bereket, kewillerde qátirjemlik hám jumıslarda rawajlanıwlar boladı. Ekinshi jáhán urısında Ózbekstan xalqı da urıs maydanı hám front artında úlken pidayılıq, mártlik kórsetip, fashizm ústinen erisilgen jeńiske múnásip úles qosqanlıǵın aytıp ótti.

 B.Uteniyazova urıs, onda qatnasqan insanlar táǵdiri haqqında esitkenimizde, oqıǵanımızda búgingi párawan turmısta jasap atırǵanımızǵa, atqan hár bir tańımızdı jaqınlarımız benen birge qarsı alıp atırǵanımızǵa mıń ret shúkirshilik etemiz. Ekinshi jer júzilik urıstıń aqıbetlerin umıtpaw, búgingi tınısh turmısımızdıń qádirine jetiw, ana watanımız aldında perzentlik wazıypamızdı hújdan menen atqarıw hár birimizdiń tiykarǵı wazıypamız dep sózin juwmaqladı.

 Keshede qatnasıp atırǵan jetekshi jaslarımız urısta qaytıs bolǵan watanlaslarımızdı yad etiw, olardıń esteligin máńgilestiriw, ayawsız urıstan aman qaytqan atalarımızǵa ǵamhorlıq etiw, mehir kórsetiwge teńleslerin shaqırıp qaldı hám eslew, qádirlew, ana watan haqqındaǵı qosıqların oqıp berdi.

Комментарий жазыўшы:

Комментарий (0)