No icon

Mehir kitapxanası

Ózbekstan Respublikası Prezidentiniń “2022-2026 jıllarǵa qaratılǵan Jańa Ózbekstannıń rawajlanıw strategiyası haqqında”ǵı Pármanınıń “Xalıqqa málimleme kitapxana xızmetin kórsetiwdi jáne de rawajlandırıw, kitapqumarlıqtı keńeytiw hám de “Kitapsúyer millet” milliy ideyasın ámelge asıriw” haqqındaǵı 72 - maqsetinde názerde tutılǵan wazıypalardı ámelge asırıw maqsetinde, 2022 jıl 18 may kúni Qaraqalpaqstan Respublikası málimleme kitapxana orayı tárepinen “Mehir kitapxanası” joybarı tiykarında Nókis qalası 10 sanlı kózi ázziler mektep-internatında “Hár bir balaǵa itibar” atamasında kóshpeli ilaj shólkemlestirildi.

Ilajdı Úlketanıw maǵlıwmatlar sektorı baslıǵı Gúlmira Ablakimova alıp bardı. Mektep-internatı oqıwshıların ádebiy kitaplar menen tanıstırdı hám qısqasha mazmunın aytıp ótti. Elektron resurslar hám olardan paydalanıw zalı sektorı qánigesi Esenkulova Janar balalar ushın audioertekler — mp3. formatına ótkerilgen dawıslastırılǵan áyyemgi hám zamanagóy ertekler esittirdi. Sonnan keyin kitapxana orayı tariyxı hám búgingi kúnde kitapxanada jaratılǵan shárt-shárayatlar haqqında tolıq maǵlıwmatlar berildi hám kitapxana qánigeleri oqıwshılar menen birgelikte qızıqlı kórkem ádebiyatqa baylanıslı viktorina, balalardıń oqıǵan kitapları boyınsha soraw-juwaplar bolıp ótti

Комментарий жазыўшы:

Комментарий (0)