No icon

«Sahra- búlbili» atamasında keshe

2022 jıl 16 iyun kúni Qaraqalpaqstan Respublikası málimleme kitapxana orayı qánigeleri Amet hám Ayimxan Shamuratovlar úy muzeyinde Ózbekstan hám Qaraqalpaqstan Respublikaları xalıq artisti, Qaraqalpaq muzıkalıq drama teatrı aktrisası Ayımxan Shamuratovanıń tuwılǵanına 105 jıl tolıw múnásibeti menen «Sahra- búlbili» atamasında keshe shólkemlestirildi.

Keshege Qaraqalpaqstan Respublikaları xalıq artisti  Zaure Saipova, Qaraqalpaqstan Respublikaları xalıq artisti Tursıngúl Qayıpnazarova, Qaraqalpaqstan Respublikası Málimleme-kitapxana orayı qánigeleri, Nókis mámleketlik pedagogikalıq institutı fizika-matematika fakulteti studentleri qatnastı.Keshe miymanı T.Qayıpnazarova qaraqalpaq milliy teatrınıń búgingi jetiskenlikleri haqqında sóz etilgende bul teatrdıń qáliplesiwi hám rawajlanıwında, onıń professional teatrlar dárejesine jetisiwinde óz xalqınıń keleshegi, onıń mádeniyatı ushın jan kúydirgen el basshılarınıń, zıyalı insanlardıń, sonday-aq, óziniń pútkil ómirin teatrdıń ósip-rawajlanıwına bag‘ıshlag‘an talantlı  aktrisa, Ózbekstan hám Qaraqalpaqstan Respublikaları xalıq artisti, Qaraqalpaq muzıkalıq drama teatrı aktrisası Ayımxan Shamuratovanıń  basıp ótken ómir jolı, dóretiwshiligi, erisken jetiskenlikleri hám milliy teatrdı rawajlandırıw jumıslarında belsene qatnasqan  millet pidayılarınıń biri sıpatında at qaldırǵanlıǵı haqqında aytıp ótti.

Zaure Saipova qaraqalpaq saxnasınıń shımıldıǵın birinshi ashıp bergen aktrisa, tákirarlanbas hawazǵa iye qosıqshı, óziniń talantı menen qaraqalpaq xalqınıń mádeniyatın, kórkem-ónerin dunya xalıqlarına tanıtqanlıǵın aytip berdi.

Keshe dawamında jaslar  Ayımxan Shamuratovanıń do’retken qosıqlarınan aytıp ótti hám ózleriniń qızıqtırģan sorawların berip juwaplar aldı.

Комментарий жазыўшы:

Комментарий (0)