No icon

«Belsendi jaslar ullı keleshegimiz tiykarı»

2022 jıl 22 iyun kúni Jaslar orayında jańadan ashılǵan Qara úy kitapxanasında 30 iyun jaslar kúni múnásibeti menen «Belsendi jaslar ullı keleshegimiz tiykarı» atamasında zakawat intellektual oyını bolıp ótti. Intellektual oyındı Qaraqalpaqstan Respublikası málimleme kitapxana orayı Ulıwma oqıw zalı sektorı baslıǵı B.Uteniyazova shólkemlestirdi hám alıp bardı. Intellektual oyında Ájiniyaz atındaǵı Nókis mámleketlik pedagogikalıq institutı fizika matematika fakultetinen «Parlament»,  Tábiy pánler fakultetinen «Mendeleev», Mektepke shekemgi tálim fakultetinen «Everest» toparları óz ara bilimlerin sınadı. Intellektual oyındı Qaraqalpaqstan Respublikası málimleme kitapxana orayı elektron resurslardan paydalanıw hám oqıw zalları xızmeti baslıǵı Jibek Tleubaeva, Nókis qalası «Órnek» mákan puqaralar jıyını jaslar jetekshisi Azamat Seydabullaev, «Doslıq» mákan puqaralar jıyını jaslar jetekshisi Salamat Isaev, «Gulzar» mákan puqaralar jıyını jaslar jetekshisi Miyirbek Kurbanbaevlar bahalap bardı. Zakawat intellektual oyının shólkemlestiriwdegi maqsetimiz jaslardı kitapqumarlıqqa qızıqtırıw, olardıń bilim kónlikpelerin qáliplestiriw bolıp tabıladı. Jarısta ulıwma 20 soraw qoyıldı hám qatnasıwshılar tárepinen anıq juwaplar berildi.  Jarıs juwmaǵı boyınsha 1- orındı  «Parlament», 2- orındı «Everest», 3 -orındı «Mendeleev» komandaları iyeledi. Jeńimpaz toparlar shólkemlestiriwshiler tárepinen diplom hám sawǵalar menen sıylıqlandı.

Комментарий жазыўшы:

Комментарий (0)