No icon

Qaraqalpaqstan Respublikasi Málimleme-kitapxana orayi tárepinen onlayn seminar ótkerildi

 Qaraqalpaqstan  Respublikasi Málimleme-kitapxana orayi tárepinen onlayn «Málimleme kitapxana mekemeleri fondların toliqtiriw, yesapqa aliw,  UzNEL milliy dástúrinde    ádebiyatlardi kiritiw tártibi»  hám  «Málimleme kitapxana mekemeleri fondların jaylastırıw hám saqlaw»   atamasinda   seminar bolip ótti.

Seminardi Málimleme-kitapxana fondlarin jámlew xizmeti basliģi S.Ametova ashti hám alip bardi. Seminarģa rayonliq málimleme-kitapxana orayi qánigeleri qatnasti.

S.Ametova rayonliq málimleme-kitapxana orayi qánigelerine seminardiń maqseti hám áhmiyeti haqqinda, Málimleme-kitapxana fondlarin jámlew xizmetiniń waziypasi, kitapxana fondin toliqtiriw jollari, málimleme-kitapxana fondlarin yesapqa aliw tártibi, yesapqa aliw túrleri, málimleme - kitapxana resurslarin yesaptan shiģariw tártibi, UzNEL milliy elektron dástúrine kitaplardi  kiritiw jumislari haqqinda  aytip ótti.

Málimleme-kitapxana fondlarin saqlaw xizmeti basliģi U.Yembergenova málimleme-kitapxana orayi fondlarin jiynaw, jaylastiriw, saqlaw hámde paydalaniwshi talapnamasina muwapiq xizmet kórsetiw, fondlardi belgilengen tártipte jaylastiriw, fondlardiń uliwma hám fizikaliq jaģdayin baqlaw, mámleketlik standartlar hám normalarģa muwapiq fondlardaģi ádebiyatlardi saqlaw ushin belgilengen hawa temperaturasi normalarin baqlaw haqqinda, málimleme-kitapxana resurslariniń uzaq waqit saqlaniwin támiyinlew maqsetinde olardi túplewge beriw, ziyanlanģan sirtqi hám ishki betlerin mudami baqlaw hám túplewge  tayarlaw, málimleme-kitapxana resurslariniń elektron nusqalarin jaratiw maqsetinde, skanerlew hám raqamlastiriw xizmetine tastiyiqlanģan reje  tiykarinda beriw, májbúriy nusqalardiń fondtan ajiratip aliniwi hám bólek saqlaniwi, siyrek gezlesetuģin ádebiyatlardiń saqlaniwi, depozitar fondlar, almaslaw rezerv fondlar, olardiń saqlaniwi, dizimge aliniwi, fondtaģi topografik kartochkalardiń áhmiyeti haqqinda, inventarizasiya jumislari, yesaptan shig‘ariw qanday jaģdaylarda alip bariliwi haqqinda keńnen aytip ótti.

Seminar sońinda  qatnasiwshilar rayonliq málimleme-kitapxana orayi fondinda házirgi kúnde islenip atirģan jumislari haqqinda pikir alisti hám ózlerin qiziqtirģan sorawlarin berip juwaplar aldi.

Комментарий жазыўшы:

Комментарий (0)