No icon

Kitap - pikirlew quralı, oylaw deregi

2022 jıl 9-sentyabr kúni Qaraqalpaqstan Respublikası Málimleme-kitapxana orayında «Kitap - pikirlew quralı, oylaw deregi» atamasında sáwbet keshesi bolıp ótti.

        Keshege Qaraqalpaqstan Respublikası jazıwshılar awqamı aǵzası, jazıwshı Kóbeysin Ernazarov, jazıwshılar awqamı aǵzası, shayır Baxıtlı Sarıbaev, Elektron resurslardan paydalanıw hám oqıw zalları xızmeti baslıǵı Jibek Tleubaeva, Ulıwma oqıw zalı sektor baslıǵı Bolģanay Uteniyazova hám Ajiniyaz atındaǵı Nókis mámleketlik pedagogika institutı fizika matematika fakulteti studentleri hám «Bilimdan jaslar» klubı aǵzaları qatnastı.

Kesheni B. Uteniyazova ashtı hám alıp bardı.

             K.Ernazarov sózge shıǵıp jaslarımızǵa watandı húrmet etiw, tınısh elde ilim alıp atırǵan jaslarımızdıń ózligin ańlaw, keleshek jaslardı sanalı, bilimli, hár tárepleme jetik insan etip tárbiyalaw, kitap oqıwı hám kitapqumarlıq mádeniyatın asırıw, ullı ilimpazlarımızdıń bay ruwxıy miyrasları, tariyxımızdı úyreniw, bos waqıtın qızıqlı ótkeriwleri ushın kitapxanalarǵa barıp, jazıwshı hám shayırlarımızdıń dóretpelerin oqıw, bul kitap álemine kirisiw degen sóz dep aytıp ótti.

B. Sarıbaev jaslardı tariyxımızǵa hám milliy mádeniyatqa qızıǵıwshılıǵın qáliplestiriw hám kúsheytiw, oqıw mádeniyatın asırıw, házirgi kúnde jaslarǵa berilip atırǵan múmkinshiliklerden ùnemli paydalaniw hám jaslar keleshegimiz qurıwshısı ekenligin, J.Tleubaeva jaslarımız jámiyette belsendi bolıwı, elge mápi tiyiwi, mámleket rawajlanıwına úles qosıwı, hàr tàrepleme bilimli hám intalı bolıwı bolıp esaplanadı dep, jaslarımızģa Málimleme kitapxana orayında kitap oqıwshılar ushın shárt-shárayatlar jaratılģanlıģı haqqında aytıp ótti.

Keshe sońında studentler hám “Bilimdan jaslar” klubı aǵzaları ózleriniń oqıǵan dóretpeleri haqqında aytıp berip, bir-birleri menen pikir almastı.

Комментарий жазыўшы:

Комментарий (0)