Qaraqalpaqstan Respublikası Málimleme-kitapxana orayı

2024 jıl 29 fevral kúni “Genderlik zorlıq bul global mashqala” atamasında  Qaraqalpaqstan Respublikası Málimleme - kitapxana orayı zalında “Shipaker” hám “Saza” telejurnalı redaktorı hám psixolog Danebaev Jaxit Kalbaevich penen ushırasıw keshesi bolıp ótti. Keshege  Elektron resurslardan paydalanıw hám oqıw zallari xızmeti baslıǵı Jibek Tleubaeva, Ulıwma oqıw zalı sektorı baslıǵı Bolǵanay Uteniyazova, Berdaq atındaǵı Qaraqalpaq mámleketlik universiteti Qurılıs fakulteti tyuteri Jetkerbay Ashirbekov, Qaraqalpaqstan awıl xojalıǵı hám agrotexnologiyalar institutı tyuterlari Rano Usenova, Palzira Dlanova, Berdaq atındaǵı Qaraqalpaq mámleketlik universiteti geografiya fakulteti studentleri hám kıtapqumarlar klubı aǵzaları qatnastı.Kesheni B. Uteniyazova ashtı hám alıp bardı. Psixolog J. Danebaev óz sózinde Psixologiya bul-insan iskerligi hám haywanlar rawajlanıw processinde haqıyqatlıqtıń psixikalıq sawleleniwi, psixikalıq processler, jaǵdaylar, hádiyseler, sezimler haqqındaǵı pán ekenligin, jaslarǵa óz tájiriybesine súyengen halda gender teńligi bul global mashqala ekenligin, er adamlar menen hayal adamlardıń ortasındaǵı úlken parq bar ekenligin, er adamnıń tiykarǵı 3 roli - támiyinlewshi; qorǵawshı; jetekshi bolıwı, tiykarǵı 3 talabı - kerekli bolıw; erkin bolıw; qanday bolsa sondaylıǵınsha qalıwın, hayaldıń tiykarǵı 3 roli - ana; hayal; peri/perishte, tiykarǵı 3 talabı: jaqınlıq, qáwipsizlik; minnetdarshılıq bolıwın, jaslarǵa ata - anaǵa húrmet kórsetiwlerin, hayal adamnıń er adamdı húrmet etiwin ózlerinen jası úlken insanlarǵa húrmet menen qarawın, házirgi waqıtta  waqıttan únemli paydalaniw kerek ekenligi haqqında aytıp ótti. Keshe sońında studentler ózlerin qızıqtırǵan sorawlarına juwaplar aldı.