Qaraqalpaqstan Respublikası Málimleme-kitapxana orayı

  2025-jıl 22-avgust kúni Qaraqalpaqstan Respublikası Málimleme kitapxana orayında Watanımız ǵárezsizliginiń 34 jıllıǵı múnásibeti menen "Watan ushın, millet ushın, xalıq ushın!" súreni astında "Mushayra aqshamları" joybarı tiykarında "Qosıq hám ruwxıylıqqa bay keshe" atamasında ushırasıw keshesi bolıp ótti.

  Keshege Ózbekstan hám Qaraqalpaqstan Jazıwshılar awqamıniń aǵzası, jas shayıra Sahibjamal Sirǵabaeva, jas shayır Abdirashid Ismaylov, 17071-áskeriy bólim orayı kitapxanashısı J.Joldasova, áskeriy bólim áskerleri hám Qaraqalpaqstan Respublikası Málimleme kitapxana orayı qánigeleri qatnastı.

   Kesheni Jámlengen elektron katalog sektorınıń jetekshi qánigesi A. Xalmuratova ashtı hám alıp bardı.

   Keshede miymanlar: Biz, jaslar, poeziyanı tek ǵana sóz kórkem óneri emes, al ruwxıy azıq, watansúyiwshilik úgit-násiyatı, haqıyqattı sáwlelendiriwshi ayna dep bilemiz, sonlıqtan, hár bir jazǵan qosıq qatarlarımızda juwapkershilik bar, hár bir dóretiwshilik jumısımızda kewilden shıqqan haqıyqat jasırınǵan dep aytıp ótti hám Watanǵa muhabbat, ata-ana razılıǵı haqqında jazǵan qosıqlarınan kórkemlep oqıp berdi. Keshe dawamında qatnasıwshılar ózleriniń qızıqtırǵan sorawların berip juwaplar aldı hám óz pikirlerin bildirdi.